عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم بنات؟ أنا متملكة لي 4 شهور تقريباً
و خطيبي الله يسلمه ما يهديني شي!! بنات حتى أنا ما طلبته إلا مرة و حدة طلبت شحن و شحن لي! و بس
مرة تجرأت و طلبت منه فلوس علشان أشتري ملابس للصيف.. و هو جلس يقولي بدري و ما بدري.. و لا حتى قال كم تبغين، قالي ايش تبغين و أنا قلت ملااابس ..
عموماً انا مليييت منه
حتى معد صار يقولي تبغين شي و لا لا
بنات ايش الحل؟ هل انتوا كذا مع أزواجكم؟ و إلا ايش السالفة؟ أنا ودي أعوده على إنه يصرف علي بس ما أدري كيف..
تصدقون يمكن شاف أن اهلي مدلعيني و حاس اني ما احتاجه.. و الله ما ادري ايش يحس فييه…
ترا أنا اكبر وحده من خواتي و لا عندي أحد أرجع له.. اخاف اروح لأمي و تكبر السالفه..
المشكلة الثانية.. ما اعرف اسولف له.. بنات الله يخليكم عطوني مواضيع أفتحها معه!! اقسم بالله احياناً نجلس 10 دقايق صممممممت
بنات لا تقولون تعرفي عليه اسئليه ايش يحب ايش يكره.. قد سويتها و خلصنا، اعطوني أفكار الله يخليكم..
المشكلة الأخيرة أنه يبغى يزورني بس أهلي يصرفوووونه! زارني بس مرتين..
تخيلوا الى درجة اني مرة خليت اختي ترسل لي رسالة على إنه هو يعزم نفسه ووريتها أمي و قلت لها انه بيجي.. فقالت عطيني أرد عليه!!! 😆 idea:
و الله من جد تعبت.. بنات قولوا لي ايش الحل الله يوفقكم.. 😆 🙄
