عالم البنات النسائي كل ما يخص المرأة العربية من ازياء وجمال والحياة الزوجية والمطبخ
آآآآآآآآآآآآآىىىه
مادري وش اقول ووش اخلي
اختي مسببه لي حاله نفسيه والله العضيم ترفع ضغطي بشكل ساعات ودي اقوم اضربها
هي عمرها 16
وانا عمري 19
الي يقهرني فيها انها تحب بنات عمي اكثر بكثييييير مني
يعني تتمنى لهم الخير اكثر مني وانا اي كلمه اقولها لها تعتبرني احارشها مادري كيف تفكر زمان جلست انا وخواتي مع بعض وقلت لهم انو علاقتنا لازم تتغير ونسير خوات بجد ونحب بعض ونخاف على بعض وتصير علاقتنا احسن من علاقت بنات عمي ( بنات عمي يحبون بعض بشكل مجنون ومستحيل يخبون شيء على بعض )
الهم اتفقنا وتعاهدنا مادريت غير ثاني يوم بنت عمي نقول مثلا نوره تقول خير وش عندكم تقلدونا قلت انا خير وش نقلدكم قالت اختك قالتلي انك جلستي معهم وقلن كذا وكذا وكذا بالله وش رايكم مو شيء يرفع الضغط
والي يقهرني فيها انها خفيفة دم وراعية وناسه مع كل الناس الا معاي دايم انا وياها على طقاق بشكل يومي
وما تزين اخلاقها الا اذا بغت مني حاجه او اذا تبي تعلمني حاجه
وكمان ما تحترمني يعني مثلا تو ترفع صوتها علي وتسبني وتزعق علي قدام بنات عمي او صديقاتها مافي اي نوع من الاحترام
وكمان اسرارها كلها عند بنات عمي وانا اخر شخص تفكر تقوله حاجه الا اذا خلاص طاحت بشكله تجي وتعلمني وش فيه
زي مره بنات عمي نايمين عندنا وهي مو على طبيعتها وجالسه بالحاله بالغرفه دخلت انا ونوره عليها وقلنالها وش فيك علميني والله بساعدك بكل شيء اقدر عليه
بعدين قالت اطلعي بقول لنوره ومابيك تسمعين بالله وش رايكم والله ان الكلمه تجرح بشكل
ومواقف كثيييييييييييييييييييييييييره
