عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا تعرضت لظلم من قبل انسانه ماعندها ضمير وللاسف اني اقول هالكلام
لانه كانت صديقه لي قبل تفكر انه تصير مندوبه لي
صار لنا قريب السنه صداقه او اكثر
والحين جايه تتهميني في شيء ماصار انا بقول لكم السالفه وانتوا احكموا بضميركم
هي ماحكت السالفه بس اتهمت ولو كانت صادقه كانت حكت القصه بالتفصيل
انا اقول القصه
قبل النجاحه اللي شافته الاخت اغادير في احدى المنتديات الثانيه للكريم قالت لي بصير مندوبه لج قلت لهام افي مشكله جمعي طلبيات للبنات في المنتدى وانا بعطيج قد الكميه المطلووبه وفي وحده من صديقاتنا قالت لنا انه احتمال الكريم يكون ممنوع لانه اغادير من مكه المهم قلت حق اغادير كلمي البريد وساليهم لو ممنوع او لا قالت طيب
وكلمتني بعدها بيومين وقالت مش ممنوع طرشيهم لي قلت لها اوكي
قالت اوكي وبعد مااتفقنا على الكميه وقلت لها السعر طرشت لي الفلوس وقالت لي انه هي تسلفتهم وانه الصرافه
خذوا على زوجها مبلغ زياده وقلت لها انا بعوضج وبطرش لج كريمات زياده مجان قالت تسلمين
وانا رحت استلم المبلغ اللي طرشته لقيته ناقص من 4200 وصل 3800
هذا اللي وصلني كلمتها وقالت لي والله خذوا من زوجي زياده قلت ماهي مشكلها بينا
المهم طرشت لها الكريمات و وصلت لها الخميس وكملتني وقالت الخميس مااقدر استلمهم لانه مصكرين وبستلمهم السبت قلت لها اوكي
المهم اتصلت فيني السبت العصر وقالت لي حولي لي فلوسي وكانت تتكلم وهي مرتبكه قلت لها شفيج قالت الريد مارضى
يسلمها الكريمات وانه ممنوعه
قلت لها كيف ممنوعه وهم قالوا لج عادي انتي تدخل قالت لي لا انا ابي فلوسي قلت لها
طيب رجعي الكريمات وانا برجع فلوسج
قالت وش يضمني فيج قلت لها عيل شلون ارسلتي لي الفلوس من البدايه
ضمانج هو الله
قالت لا وانتي نصابه وانتي وانتي
انا اللي علي سويته استلمت فلوس وطرشت كريمات
والله العالم غير هذا ماصر شيء ثاني عشان تتهمني بالنصب
وانا قلت لها لو رجعت كريماتي انا ارجع لج فلوسج
والله علي شاهد
ومشكورين البنات اللي دعوا علي بالباطل
يابنات احكموا بالعقل بدل الحكم من غير دليل انا عندي محادثاتي معاها باماسنجر وهي كلامها باماسنجر دليل على كذبها وعندل كلامها وهي تقول انه استملت الاغراض وبعد وهي تقول والله لاخليج تندمين واخرب سمعتج في المنتديات ويوم قلت لها ليش قالت بس كيفي وين النصب
وهي متى صارت تاجره اصلا” حتى ردوها ومشاركاتها ماتتعده 30
