خطيبي والبنات والغيرة

هلا بحبايبي اللي نوروا صفحتي
أولا كيفكم أخباركم علومكم
ثانيا أنا مخطوبة ولسع ماملكت طيب
حبيباتي يمكن يكون موضوعي مو داك الشي المهم لكن الموضوع غايظني مرة ومطفشني
بنات احنا دايما نروح لبيت خطيبي بحكم انهم يقربولنا مرة وماشاء الله دايما بيتهم عزايم ومليان ناس
المهم :مره صار موقف انا اعتبره عادي لكن غيري لا
أختي في الرضاعة كانت تعبانة وبحكم انوا خطيبي ممرض قالت يالله خليني اروح عند خطيبك واقوله يعالجني طبعا بالمزح انا قلتلها روحي قاموا البنات قاموا عليا انتي ماتغيري ايش هذا وكده
وموقف تاني حصل لما توفى ابو خطيبي اختي في الرضاعة جلست هيا وبنت خالي يتحدوا بعض انوا أختي تروح تعزي خطيبي ولو راحت تعطيها 100 ريال وانا لما دخلت قالوا ايش رايك قلتلها عادي روحي عزيه وقاموا البنات انت ماتغيري شوفي بتروح تعزي وانت عادي ماعنك مانع
وهما طبعا مايروحوا عنده بس كلام
وانا والله عادي ماكان عندي مانع وما اشوف فيها شي وانا واثقة في خطيبي مليون في المية
بس البنات صاروا يحسسوني اني غلط
فانتوا ايش رايكم في تصرفاتي وتصرفات البنات وهل تصرفي صح ولا غلط
وكيف اتصرف معاهم
وجزاكم الله ألف خير ويارب يوفق ويحقق امنية كل من ترد عليا يارب