سمعت بمشكله واطلب رايكم

حبيباتي الفراشات

وحده تعلمني عن مشكلة واحد تعرفه (ماحددت معرفتها به بالضبط)

المهم سالفته…..

انه واحد عمره تقريبا 17 سنه

ومر بتجربة حب من قبل وفشلت

وهو واحد دايما يقضي وقته بالنت

لحد ما صار الحين مشرف كبير في احد المنتديات

المهم وحده من الاعضاء حبته … مو حب اخوي … لا حبته بجد

وصاروا يتكلمون بالمسنجر

وعرف انها من بلده ثانيه … يعني مو من نفس بلدته

يقول ان البعد والمسافه البعيده تاثر على الحب وتعذب وتتعب

لكنه ما يقدر يقول للبنت اللي تحبه هالكلام يخاف يجرحها او انها تتحجج وتجيب حلول

البنت اللي تعلمني تقول انها حست من كلامه انه يجامل البنت مو يحبها … ولما سالته بصراحه “انت تحبها؟؟”

قال لها ( ما ادري … يمكن ما يكون حب يمكن هذي طريقه تنسيني الحب القديم)

ــــــــــــــــــــــــــــــــــــــــــــــــــ ــــــــــ

انا ادري ان كل هالاشياء تمر باللي في مثل عمره

عمر مراهقه … وفي النهايه بينسى

لكن قلت استشيركم علشان تقولون لي بايش ارد عليها