عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم يابنات ان شاء الله كلكم بخير
والله اني احبكم لله
وبعرضلكم مشكلتي وقولولي ايش رايكم
ومعليش ماعرف اكتب وانســــــــــــــق الكـــــلام العذر والسموحه
مشكلتي
انو شقتي قدام شقة سلفتي
انا عمري 22 سنه وسلفتي عمرها 34 سنه
هيا زوجة الكبير وانا الصغير
وانا وهيا كنا زي العسل مع بعض وكنت احس انها تحبني
وتاخد مني اشياء واخد منها وتطبخلي واطبخلها وزي كده
على الرغم اخت زوجي حذرتني منها بداية زواجي لاكان ماسمعت لها
المهم
بدات شويه شويه احس انها تحسدني او تغار مني
وبدات احس انها تعبيني على ام زوجي وبصراحه ((كنت اسمعلها)) واخد وادي معاها
المهم
ولدي عمرو 4 سنين ووحيدي
لاكان هيا عندها ماشاءالله ولدين وبنت ولدها 12 وبنتها 8 وولدها الصغير 3
المشكله هنا
انو ولدي ماينفك باب الشقه الايبكي يبغا يروح عندهم وطبعا كنت اخليه يروح يلعب وهما كانو يجو يلعبو معا
لاكان اكتشفت انهم ولدي كانو يضربو اولادها (( وسكت))
لاكان الشي الا قاهرني مووووت انو مره فتحت باب الشقه الالقيت ولدي يبكي عند الباب حقهم طردو
وخلو عند الباب وقتها انقهرت واتخيلت انو ولدي كان من الممكن انو ينزل للشارع ويصيرلو شي
واتكلمت معاهم صرت اشتري لااولاد سلفتي العاب وحاجات عشان واقولهم انها من ولدي
عشان يعاملو كويس
لاكان استمرت المعامله السيي من سلفتي واولادها
اللين يوم انفجرت فيها وقلتلها اولادك قليلين ادب
لقيتها انسانه ثانيه
خفت منها
ودخلت بيتي وسكيت الباب وحكيت الحكايه لاام زوجي
ام زوجي كلمتها
الا جاتني سلفتي بنفسها دقت الباب وشرشحتني
عشان قولت لاام زوجي وصرت في حاله نفسيه سييييييييئ جدااااااااااااااااااااا
المهم اولادها صارو يدقو الباب واجي افتح الباب مالاقي احد يعني قمة الازعاج
وهما عارفين انو من ساعة مايدق الباب ولدي يشبط مايبغا يدخل البيت ياينزل عند جدتو يا اي مكان
المهم سكت على الحكايه هدي
وهيا تعرف اوقات نومي
وامس بتحديد
تدق الباب وقت نومي وتكلم الشغاله وتبغا تعرف اخبارنا
والشغاله بصراحه مرره طيبه ولها اكتر من سنه عندي وتجي تقولي كل شي
وجات قالتلي يامدام حصل كده وكده
بالله بالله يابنات
تقولولي ايش اسوي معاها
عشان انا مررررررررررره تعبت
وماني عارفه ايشش اسوي
وطبعا لاتنسو انو هي الكبيره الصح وانا الصغيره الغلط
ومابغا مشاكل تصير بين الاهل
اللله يسعدكم تردووو عليا
وااسفه على الاطاله
