عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباحمساء الخير
شو اخباركم ياعسولات;)
انا عندي مشكلة وحبيت اخذ رايكم فيها لانوا ابغى استشير احد بما انه ماعندي اخوات ولااحد اثق فيه الا انتوا ياحلوات;)
انا كنت مخطوبة وانفسخت الخطوبة ماحصل نصيب …تعرفت على واحد عن طريق منتدى كلمته بالجوال من جوال ماما (لانه ماعندي جوال) بابا عرف لانه شيك عالفاتورة وشااف الرقم 😈 وماكلمني زعل مني له تقريبا دحين شهر وماما جات سالتني مين هذا الرقم قلت مااعرف؟
انا رحت اشتريت جوال بالدس عن اهلي(عارفة اني غلطانة وحمارة كمان) المهم ماما مسكت الجوال معايا ورحت كلمتها بنفس اليوم خبرتها انوا الولد يبغى يتزوجني قالت لا مايصير عاداتنا ماتسمح البنت تطلع براا العائلة قلتها بس هوا يبغاني قالت النااس اش نقولهم لو سالوا كيف عرفوكم؟والعائلة لازم توافق عليه قلتلها هوا مايبغى يلعب
ماستمريت بالنقاش اكثر من كذا لانها سكتت وانا قمت عنها
امه قبل امس اتصلت تخطبني ماما طبعا تهاوشت معاها وسالتها كيف جبتي رقمي ومن فين عرفتينا وهذا الكلام امه قالت من نااس…بابا سمع المكالمة وقال لماما اساليها مين هم الناس –تحقيق تقدروا تقولوا–
جات ماما كلمتني وقالتلي امه اتصلت وانا رفضت طبعا وابوكي يسال من فين جاابت الرقم؟وتحقيق
عارفة طولت عليكم
المشكلة دحين انوا احنا نبغى بعض وماما تقول مستحيل نواافق لانوا مو ممكن يستمر هالزواج بس مااحد يعلم الغيب وانه رح يكون فااشل وانا لسه صغيرة والعمر قداامي وهذا الكلام
((هوا يعرف خال بابا وواحد من قرايبنا وانا ماقلت لماما ))
دحين هوا يبغاني وانا ابغاه اش الحل ؟
لو حصل نصيب ممكن يستمر هالزواج؟
كيف الطريقة يلي تخلي الاهل يوافقوا؟
انا عمري 20 هوا عمره 29
سااااااااااااااااعدوني واقترحوا اش اعمل؟؟
