عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ..
رايت بالمنام ان العائله كلها مجتمعين وان جالسه معهم وهم يتكلمون عن وحده قريبتي انها تسب وحده وتقول عليها كلام
ان اخلاقها مو زينه وشي زي كذا انا قلت لهم حرام عليكم والله الكلام مايصدق انا اعرف هالبنت اخلاقه مرره حلوه ..
المهم جت هذي الحرمه نفسها وقعدت تتكلم على هالبنت مره ثانيه بس هالمره بالمجلس كلله مليان حريم
وتسبها وتسب اخلاقه مع العلم اني اعرف هالثنتين مره انا بهاللحظه قمت وصرخت عليها وقلت اطلعي برا انتي مالك مكان بيننا وانتي كذابه وانا اعرف هالبنت اكثر من نفسي
وش هالكلام اللي قلتيه عنها وانا بالحلم اهاوش واصرخ عليها وكل اللي جالسين ساكتين المهم هي عصبت وطلعت من البيت .. فيه من الناس زعل علي وفيه ناس تضحك مبسوطه حست بانتصار..
المهم دخلو الرجال عندنا ومعهم زوجها وكلهم محارمي قال وين زوجتي قالو له طلعت وتركت البيت هو ضحك
بعد لحظات هدوء وفيه من اللي عاتب وفيه من اللي مبسوط من حركتي جت رجفه قويه من الباب وتدخل الحرمه واصله معها ومعها الشرطه الناس خافت كلها وقال تعالي انتي وش هالحركه اللي سويتيه .. قلت له لحظه اقولك السالفه
وقلت له السالفه كلها قال مدي يدك وهو ساكت ماعلق مديت يدي وحط خاتم وقلاده واساور المهم مجموعه ذهب
وقال يلا انا اللحين استآذن .. الحرمه شافت هالحركه طلعت برا البيت .. وانا انبسطت قووووه واقول للي جالسين
شفتو ربي مع الحق شفتو الحمدلله الله نصرني وانتم خايفين علي من السجن يلا اللحين كلكم صفقو وانا ابرقص .. وسوو دائره وصارو يصفقون وانا ارقص واهز بقوه رقص انتصار وكل شوي اقول ايه عطاني ذهب يعني انا على حق
وناااس مبسوطه وناس ماتطالعني وصحيت من النوم وانا مبسوطه …
الحلم صار الصباح بعد ماصليت الفجر ونمت ..حالتي الدينيه عاديه .. الحاله الاجتماعيه متزوجه وعدي طفلين ذكور .. المهنه ربة منزل .. وقبلما انام ماكنت منزعجه ولا افكر بشيء ..
وانا بانتظار التفسير ..
