عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ياكرووشات والله وحشني التجمع مع اني لي شهرين ونصف عنه الا اني احس اني مرتاح لين ادخل وشوف قصص ولادتكم
المهم ياحلوووات غليكم قصة ولادتي لمن يحبون القصص
في يوم 4-3-1430 صحيت الفجر على مويه نازله بقوووه اول مره اشوفها واحس فيها رحت الحمام الله يكرمكم والمويه تزيد بدووون اي الم مويه مويه وربي ترووع
المهم صحيت زوجي على الساعه اربع وقلت يالله على المستشفى قال ولاده قلت ماادري المهم اخذت شنطتي وقلت يالله بسم الله وادق على دكتورتي بالطريق وتقول روحي الطواري انا اجيك هناك المهم بالطريق كنت اسولف مع زوجي ويقول معقول ولاده وانتي تسولفين وتضحكين والله يابنات اني اسولف ابي اولد وافتك كنت اظن الامر هين
المهم بالطريق جاني الم فضيع في ظهري كل خمس دقايق قلت الحمدلله هذا الطلق وبسرعه ورى بعض اكيد ماني مطوله بولد
دخلت المستشفى امشي وبدون عربيه كشفت النيرس وقالت يالله فوق كشك الولاده
هذ الكلام الساعه الخمس الفجر جات الدكتوره طبعا اللي بالمستشفى دكتورتي ماجات
المهم قالت لزوجي بالكثير الساعه تسع الصببح هي ولاده الطلق ورى بعض
والله يابنات مع كلمتها الا وقف الطلق والا فيني ولاشيء
كان شيء لم يكن حطو لي المغذي وزوجي مستغرب من اللي يصير لي
المهم جات دكتورتي وقالت الرحم مفتوح 2 سم وبقيت على هذالوضع مااقيه طلق ومراقبين نبض الجنين عشان المويات قلت عليه
والله قررو طلق صناعي على الساعه 11 الصبح المهم رجع الطلق مره ثانيه بس الرحم مثل ماهو واقف على 2 سم هذا الكلام يوم الاحد تروح دكتوره وتجي دكتوره حتى عاملات النظافه عرفوني وكل شوي اسمع صوت صرخة مولود وقول ياحظهم ولدو رجع زوجي البيت ورد بعد المغرب والوضع كماهو جات دكتورتي الساعه تسع في الليل قالت بكره الصبح اذا مولدتي راح ادخلك عمليات المهم كل ثلاث ساعات يحطوني لي طلق صناعي والرحم مقفول جا يوم الاثنين الفجر نفس الطاقم اللي استقبلني فجر الاحد شافوني كل ماجات وحدده ماولدتي الله يسهلك
واللي تقرا واللي تنفث على حالتي صعبة عليهم
جا زوجي الساعه 11 الصبح بعد مااستاذن من عمله وهو يقول يارب تكون ولدت وانصدم يوم جاء وانا على الوضع اللي خلاني عليه
المهم دق على دكتورتي وقال ارحميها خلاص سوي لها عمليه والله يابنات يومين والرحم 2سم والطلق نار المهم قالت دكتورتي لزوجي خلاص نص ساعه ماولدت راح ندخلها عمليه
قررت الدكتوره تحط قسطره عشان راس البيبي ينزل الحوض هذي اخر محاوله بعدها عمليه 😆 🙄 وفجاء بقدرة ربي فتح الرحم 5 سم وبسرعه وخلال نص ساعه استدعوو دكتورتي بسرعه خلاص فرجت فتح الرحم 8 والمهم اسمعهم يقولون دفي دفي خذي نفس نفس وجا لولوي
يالله يومين من العذاب الحمدلله
وبعدها مااحسيت بشيء الازوجي عند راسي والدكتوره تقول الحمدلله على السلامه
كنتي بطله ❗ وين بطله يومين من العذاب
المهم زوجي مااقدر يدخل معي كان ياقلبي عليه بر وجات المرضه بشرته وماهو مصدق شوي ويغمي عليه لانه شافني في حاله الله جعلكم ماتجربونها ياررب
الولاده الساعه 12 يوم الاثنين 5-3-1430 ودمتم سالمين:P
طبعا المستشفى والطاقم والدكتوره حنان الشمراني بالاطباء المتحدوووووووووون رووعه قليله في حقهم
دعوووووووووووووووووووووواتكم ربي يحفظ لي زوجي ولدي
