نقطه تحول

عزيزاتي ..
اكيد الكل او الاغلبيه منكن تتابعون برنامج نقطة تحول في الام بي سي اللي يقدمه المذيع سعود الدوسري ..
والحلقه الماضيه كانت مع الشيخ عايض القرني .. والشيخ العبيكان .. مدري اذا فيه احد بعد لاني ما كملته ..

انا حابه اليوم اتكلم عن الشيخ القرني .. وابرز ما جا في حواره مع سعود ..
لاني وبصراحه مستغربه كثير .. وما حسيته الشيخ اللي حنا نعرفه ..

لكن استغربت لما اعلن وبصراحه انه يقرا للشاعر نزار قباني .. والكل يعلم ان الشاعر نزار قصائده اما اباحيه او الحاديه .. يعني مدري وش عجب الشيه عايض انه يقرا له ..

واستغربت لما اعلن انه مو متشدد وانه يسمح لبناته يطالعون قنوات الام بي سي بحكم انه مو متشدد وانهم يطالعون المفيد والجيد .. رغم اني مااشوف اصلا في الام بي سي شي مفيد .. وغير انه قنوات فساد وخراب وما يحتاج نسرد عنها اللي الكل يعرفه ..

واستغربت برضه ان الشيخ برر لنفسه كيف لما عطى قصيدته لمحمد عبده وهو يعرف انه راح يغنيها على موسيقى .. بقوله انا قلت له ما يغنيها على موسيقى وهو غناها يعني الذنب ذنبه مو ذنبه ..
بس ودي اسال الشيخ لو ماكان يدور على شي معين في نفسه ليه ما عطاها منشد من المنشدين الكبار يؤديها …؟؟؟؟؟

غير الترف الواضح اللي الشيخ عايش فيه بقصر قيمته 7 ملايين ريال .. ويقول انه ما يخجل من قبول الهدايا … بشرط انها ما تشتري ذمته ..

وقوله انه بنى اكثر من 30 مسجد بالجنوب والله هو ذكر كم بس انا ما ثبت .. يعني مفروض انك تنفق في يمينك وما تدري به شمالك ..

والله اللقاء طويل .. وفيه الكثير من الاشياء اللي صدمتني ..
يعني حسيت ان الشيخ يناقض نفسه في اشياء واجد .. وخصوصا قوله انه الحين يسير على منهج الاعتدال ..

انا ما اظلمه ولكن تمنيت انه اصلا ما اجرا اللقاء ولاكان عرفنا امور كثيره …