عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اليوم نويت احط يومي المصووووون
من الصبح للحين 😛
طبعا انا اغلب الاكل مااكل منه
لاني مخففه اكل عشان اوصل للوزن المطلوب
قولو ماشاء الله و ادعولي بناااات انزل وزني بخير
:::::
المهم دامها اول مشاركه
في حياتي كلها للطبخ كله
لا تدققو علي
:::::
اليوم صحيت بدري
و جهزت ولدي للروضه
و دخلت المطبخ سويت فطور لحبيبي
:::::
طبعا هو مايبغى خرابيط وحووووسه
وفطور ثقيل يبغى خفايف عشان
يطلع و يلحق دوام
سويت له كاس عصير شمام مع برتقال
و حطيت في قاع الكاس شوكلاته هيرشي
و رشيت شوي شوكلاته على الرغوة
و سويت توست بيض مع جبن موزاريلا
:::::
طبعا مااعرف ازين زيكم
بس بتعلم ان شاء الله
:::::
دخلت المطبخ الساعه 3
لان زوجي يجي 5 ونص
المهم بديت اجهز للمندي
اللي يحبه قلبه
:::::
طبعا راس بصله مفروم+جزر مبشور + شوي فلفل رومي
كزبرة مجفف و مطحون+ملح+ثوم مبشور+ كركم + بهارات مشكله + عصير ليمونه وحده
تخلطيهم مع بعض
:::::
تجيبي نص دجاجه او اكثر
على حسب احتياجك
و تشرحيها زي كذه
:::::
ناخذ الخلطه و نمسح بها الدجاج
و خاصه الفتحات زي كذه تصير
:::::
نجيب بطاطس و نقطعه مكعبات
ونحطه مع الخلطه اللي بقت
:::::
ناخذ حله(قدر_طنجه) خخخخ مثقفه البنت
ونحط فيها نص بياله زيت ونحط اي نوع بهارات
نحبه يكون صحيح غير مطحون
انا حطيت حبتين فلفل اسود + 2 مسمار
+ ليمونه سودا+ 2 عود قرفه اللي هو دارسين
وخليته يتحمر شوي مع الزيت
:::::
طبعا هنا بدى ولدي
الله يحفظه اللي عمره 6 شهور
يصارخ و يولول يبغاني
رحت حملته و انا اطبخ
ونسيت مااصور الخطوة التاليه
بسببه
افرمي بصل وحطيه في الحله
وخلي يصير ذهبي
وبعدين حطي طماطه وخليها معهم
وحطي معه ماي الكميه اللي تكفي الرز
:::::
على ما يغلي الماي
اخذي رز و غسليه وحطيه في طبق
بايركس او معدن
:::::
اذا غلى الماي جيبيه
وحطيه على الرز
بحيث يغطيه ب 3 سم تقريبا
:::::
جيبي قصدير طبقتين
وغلفيه و اخذي سكينه
و سوي فتحات في القصدير
طبعا كوني كريمه في الفتحات
عشان بخار الرز يصعد لفوق
واللدجاج طعمه ينزل للرز
طبعا انا سويت اكثر
بس ولدي عفسني
وهذا اللي صورته
:::::
حطي فوق القصدير
الدجاج و البطاطس مع الخلطه
و حطي عليه قصدير
ودخليه الفرن على درجه حرارة واطيه
و خليه ساعه ونص
::::::
انا خليته ساعه وربع
لان زوجي جا بدري فاجئني
وقالي بسرعه حطي الاكل
مستعجل وراه مشوار مهم
::::::
المفروض ساعه ونص
وبعدين تفتحو القصدير
وتحمرو الدجاج مع البطاطس
بس انا حمرته بسرررعه
ولا تحمر عدل
:::::
وهذي النتيجه بنااات
طبعا هذا طبق زوجي
انا مااكلت لاني مسويه دايت
وطبعا كان في سلطه عاديه
و سويت مهلبية كاسترد
وهذا غداي لزوجي اليوم
:::::
طبعا الطبخه مو من جهدي
انا من زمان ماخذتها من النت
بس حفظت مقاديرها
ماادري من وين اخذتها
فصاحبة الموضوع تعذرني ➡ 😳
::::::
طبعا فن تنسيق مااعرف
خخخخخخخخخخخخ
بس بحاول اتعلم
عشان احط اكل
حلو و مرتب لزوجي
زي الفطور كان محاولات للتنسيق
😛 😈
يارب يعجبكم يووووومي
و ردودكم
عشان اتشجع اذا طبخت
احط لكم موضووووع
طبعا عشاء نادر مااطبخ
لان زوجي يجي متاخر
ولا يبغى عشاء بعدين
😉 😉 😥
دعواااتكم بنات
