ساعدوني الله لايهينكم في مشكلتي

بنات انا مالي غير الله ثم انتم ابيكم تساعدوني في مشكلتي ” مشكله اجتماعيه “

انا وبنت عمتي “ج” من زماان مع بعض من يوم كنا صغار معروف ماتشوفوني الا وانا واياها وهي نفس الشيء
كل اقاربنا يعرفون انو احنا مره صديقات حتى بنات خالاتي و خوالي يعرفون هذا الشيء

وكنت دائما اكلمها تقريباً يومياً ، وبعدين قطعت علاقتي معاها لاني شفت انها ماتدق علي ابد ، وبعد كم سنه
رجعنا لبعض

وكان وقتها في دوريه حنا مسوينها مع بنات عماني ، يعني بين فتره والثانيه نجتمع عند احد

ذاك اليوم كانت علي الدوريه وناديت بنات عماني وناديت بنت عمتي لاني ما ابي عمتي تزعل ،
ومن ضمن الموجودين بنت عمي الي هي ” ن ”

المهم تعرفوا على بعض “ج” و “ن” من بعد انقطاع لظروف عائليه

وانبسطوا سوا وعادي ماعندي مشاكل

بعدها كملنا دورياتنا وكنت الاحظ اذا كانت فيه ” ج ” بنت عمتي . “ن” بنت عمي ماتلقي لي بال بمعني انها غالباً تسولف مع بنت عمتي ” ج” او ممكن هذا الي انا حسيته او العكس المهم يجلسون سوالف واستهبال سواء .

واذا ماكان فيه الا انا و ” ن” نجلس نسولف سوا ونصير وش زينا .

بنت عمتي ” ج ” تزوجت وسافرت مع زوجها خارج المملكه للدراسه
وكنت اكلمها بين فتره وفتره اتفقد احوالها <= = لاحظوا بس ياطييب قلبي
حتى اتذكر اذا دقت تعايد ابوي الي هو خالها وامي
تسال عني يعني تبي تكلمني او تقول سلموا لي عليها

هي بين فتره وفتره ترجع للسعوديه يعني في الاجازات
وذاك اليوم كان يوم الثلاثاء جت تسلم على ابوي الله يحفظه لانها كانت توها جايه للسعوديه
ولما جت تسلم على ابوي كنت انا فيه وسوالف انا واياها والوضع جداً عادي مثل قبل
وكانت الدوريه واقفه على خواتها !
ومن بكرا الاربعاء عزموا اخواتها
ورحت انا وعادي ولا في قلبي شيء ابدا ً
وسلمت عليهم وسوالف

حتى اتذكر قلت لها : افتحي جوالك
قالت: طيب س لاتفتحين الصور
قلت : اصلاً انا ابي اشوف الصور ، او افتحي الجوال وانتي وريني الصور
قالت : طيب

ولا سوت شيء

ممكن انشغلت ، نست

المهم كنت جالسه جنبها انا
ويوم دخلوا بنات عمي سلمنا علي بعض عادي جداً
و” ج” طلعت برا مدري ليش يمكن شغل او شيد
وبعدين دخلت ” للمكان الي احنا جالسين فيه ” وجلست جنب بنت عمي ” ن” الي من شوي دخلت
واخبارك وكيفك ومن هالحكي

صح اني انقهرت بس بعد قلت انا امس شايفتني بنت عمتي و هي ماشافت بمن عمي يمكن علشان كذا

بس ماش ضاق صدري
بعدين قلت لاتكبرين السالفه
وعلى العشاء بنت عمي ” ن ” جالسه قبالي وجنبها ” ج ”
وجلست “ج ” الي هي بنت عمتي تأكل ” ن”

انا هنا انقهرررررررررررت
بس بعد قلت عادي لاتدققين

بعد العشاء رحت اغسل يديني
وجلست عند المغاسل قدام المرايات وجنبي بنت عمي ” ن ”

وجت بنت عمتي ” ج” قالت شرايك في اساسي تقصد بنت عمي ” ن “

وانا كأني صفر على الشمال ومالي اي اهميه
يعني يا اني ما اعرف في الميك اب
يا ان رائيي مايهمها

هنا خلاص انقهررررررررررت مرررررره

بعدين كلمت وحده من البنات
قالت اذا تبين نصيحتي اطلعي من البيت لاتجلسين اكثر
وكلمت ابوي الله يحفظه واستنيته يجي
وانا واختي جالسين في الحوووش
وبعدين خوات بنت عمتي جايبين لها كيكه لانها يعني جايه من السفر
نادونا تعالوا كولوووا يعني اكثر من مره
انا خلاااص ما اشتهي شيء
قلت ما ابي توني متعشيه الحمدلله
وقلت لاختي اذا تبين روحي كولي عادي
قالت لا ما ابي

وبنات عمي يقولون لنا عيب البنات مصرين روحوا كولوا < — اهم شيء عيب !!

وسلمنا عليهم وطلعنا
تحسبونها دقت علي وقالت شفيك ؟
او مسج او ماسنجر ولا شيي ابدددددد

ومن ذاك اليوم و انا ما اكلمها

بس السلام عليكم و كيف الحال

اتذكر اختي تقولي ان ” ج” مسكت جوالها
وورت البنات صوره زوجها
تقول اختي ان البنات شوي ويضحكون واحنا ماندري على ايش يضحكون يا على زوجها يا على الي واقف جنبه
وانا اقرب وحده لها او كذا كنت احس
ماورتني صورته ولا ورتني صور زواجها
لها تقريباً سنه ونص او سنتين متزوجه ولا اعرف شكل زوجها
حتى المفروض توريني صور زواجها
لاني ماحضرت زواجها
لانه فيه اغاني وموسيقى واورق
وامي ماترضى اني اروح

والحين هي خلاص رجعت للسعوديه
وحااامل
وامس كنا عندهم ” فبيت اهلها “يعني فبيت عمتي خواتها حاطين الدوريه ”
واشوفها تسوي حركااات مع بنت عمي ” ن” انا لما كنت معاها ماكنا نسويها

انا ابي مساااعده منكم الله لايهينكم ابي اخلي قلبي بااارررررررررررررد مايهتم ولا تضر فيه هاللاشياء بس عجزززت غصب عليييه الشخص ينقهر

والله ساعات ادعي اني اتزوج مو كله حب بالزواج لا بس ابي استقل وانشغل بحياتي ولا افكر غير بزوجي وعياااليي
والله اني ادعي ربي اقول يالله يارب ماينتهي هالشهر الا وانا مخطووووووبه
وانا عمري 19 سنه ، ادعوا لي الله يجزاكم خير ان ربي يرزقني الرجل الصالح الي يسعدنييييييي عاجلا ً غير اجل

انا اذا جالسه انا واياها فمكااان ماعندي مشكله
بس اذا جت بنت عمي ” ن ” خلااص يبدوون يسولفوون يجلسون جنب بعض وسوالف
ووووو حركااات هي ماكانت تسويها معاي قبل

والله شيء يقهر حاولت اصير غير مباااليييه بس غصب علييي