عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا خواتي
راح اعيد كتابة قصتي مع النصاب هذا << لأني سبق وكتبتها ومن الحرة اللي فيني كتبت كل التفاصيل
عشان ابي الكل يعرف عنه كل شي ويحذر من التعامل معه
ولأني كتبت اسمه (اعتبرها الموقع تشهير وحذف موضوعي)
بسم الله نبدأ
طبعا انا وحده مستورة وعلى باب الله وما ابي من الدنيا ذي الا السيرة الطيبة والستر والذكر الحسن
ربي حطني بظروف..وصارت عندي ديون << والحمدلله الذي لا يحمد على مكروه سواه
تخرجت من الثانوية وجلست بالبيت 5 سنين ماربي كتب لي وظيفه ولا جامعه رغم المحاولات
والسنه هاذي بفضل من الله (كنت مرة من المرات رايحه لكوافير)مع اختي تبي تقص شعرها
وشفتهم حاطين اعلان يبون موظفة استقبال
والراتب 1000 ريال
طبعا الكل لمى يسمع استقبال يقول وش ذا الوظيفه البسيطه ولافيها تعب واللي تشتغلها تكون مرتاحه << وانا وحده كنت اقول كذا
لكني لما توظفت بالصالون هذا عرفت ان الإستقبال شي مو هين
يعني من جد اتعب اتعب (استقبال للصالون +استقبال للخياط<< والخياط يبوني اصمم لهم واختار لهم القماش+غير اني تطلع روحي من ذا الخياطات من كثر ما اروح واجي عليهم عشان يخلصون قطعة الزبونة على الموعد+انو تجي لنا ناس خلقة معصبه ومو عاجبها شي وتجلسين تمتصين غضبها+ادااااارة الصالون كلها مسؤليتي ..انظم واوزع العمل بين العاملات واحاول احل خلافاتهم وغيرتهم من بعض ووووو..الخ
غير ان الصالون اللي انا اشتغل فيه كل زباينهم هااااااااااي كلاس يعني لازم تلبسين وتكشخين وتتمكيجين كل يوم كل يوم <<وذي لحالها يبي لها مصاريف..ولا لك الا 1000
المهــــــــــــــم
اشتغلت اول شهر واستلمت اول راتب (ولحكمة يعلمها ربي) مرة من المرات كنت اتصفح الفراشة هنا وشفت بإعلانات قوقل اللي تطلع عاليمين فوق بكل موضوع
موضوع ذا الإنسان اللي بلا ذمة
وقريته وفرحت واستعجلت<<ان الله لا يحب الفرحين
ولا شاورت احد (اكبر غلط)
قلت بس انفتحت بوجهي اخيرا وبسدد ديوني وبتجيني 30 ألف ريال
وكلمته وكان مسوي نفسه قمة بالأخلاق .. وحولت له الفوس(بدون لا اوقعه على اي اوراق تظمن حقي) 😳
عقب ماحولت له الفوس ارسل لي الشي اللي يسميه كتابه الإلكتروني(وهو بالحقيقه ملف وورد من 14 صفحه كله خرابيط)
احاول اطبق الكلام وشرح الفديو اللي حاطه اتفاجأ بأن الواقع عكس اللي هو حاطه
اليوم الثالث دقيت عليه دقيت دقيت ..طوووول اليوم وانا ادق << اقول بنفسي اكيد بيساعدني مابي اظلمة
وابددددددددد كان الجدار يرد هو رد
بالأخير قمت ارسل له رسايل ادعي فيها عليه وانه اكل حقي ،،ومرات اترجاه يرجع لي حقي << هنا عرفت اني اننصبت وبالراحه 👿 ➡ 😡 حسبي الله ونعم الوكيل ان شاء الله يجيه مرض خطير ويصرف فلوسي على علاجه ومايطيب
بعد كم يوم رد ومصر يسوي نفسه مظلوم مو ظالم (مع انو المظلوم اكيد عقب مايشوف انسان يدعي عليه )كان يقول بنفسه ارجع لها فلوسها وافتك من وجع الراس
بس هو لااااااااااااا مو راضي يجيب لي فلوسي
ويقولي انا ماطقيتك على يدك ..وخلي ولي امرك يكلمني وبعدها ارجع لك فلوسك
والله خليت اهلي يكلمونه ونفس الشي لا حس ولا خبر لهف الفوس ولاهمه ولا له نيه يرجه ولا ريال الظالم
انتبهوااااااااااااا انتبهوااااااااااااااا انتبهواااااااا
هذي قصتي كتبتها بدم قلبي وماعندي بعد هذا كله الا اني كل يوم بالثلث الأخير من الليل اتقبل القبلة واصلي ركعتين لربي وادعي فيها عليه من قللللللللللللللللب
طير قلبي على تعبي وشقاي حسبي الله عليه حسبي الله عليه
واكتشفت بعيدن انه حاط نفس الموضوع بأكثر من منتدى وكل شوي له ايميل وكل شوي له رقم << لعااااب
وبالأخير احتسب هالراتب (شوفوا كيف ذكرى اول راتب مؤلمة) عند رب الكون سبحاااااااانه
