شوية نصايح للحوامل عشان البيبي

1/ لا تحطوا اي نوع بودرة في حفاض النونو لانه مرررررة مو كويس
اكتفوا بالكريم زي سودو

2/ حاولوا اول ما تولدوا نبهوا على السسترات في الحضانه انك تبغي ترضعي البيبي
رضاعة طبيعية وخليهم يكتبوا هادا الشي في سريره عشان هما يتناوبوا ولو ما نبهتيهم

حيجيبولك هوه شبعان طبعا عشان ما يبكيلهم كل شوية

وحاولي ترضعيه في اقرب فرصة بعد الولادة يعني همه اكيد بعد الولادة حيرضعوه وينظفوه ووقتها انتي كمان حترتاحي شوية

بس اول ما تحسي نفسك كويسه اتصلي اطلبيه عشان ترضعيه

ترى الحليب حق اول الايام مرررررة كويس

3/ نصيحتي اذا بدك ترضعي طبيعي لا تعطيه الصناعي وانتي شوي حتتعبي
بس اذا هادي رغبتك وترى التعب الين 6 شهور وبعدين تبدأي تأكليه

وترى اغلب الامهات الي اولادهم ما يبغوا يرضعوا طبيعي بسبب حبهم للصناعي
فإذا حابة انك ترضعي طبيعي لا تعطيه صناعي بالمرة وسبحان الله كل ما رضع منك يزيد الحليب عندك

صحيح في اطفال يرضعوا الاثنين وهادا يختلف من طفل لطفل
بس اذا خايفة انه يبطل الطبيعي لاتعطيه صناعي بالمرة( وهادا راجعلك)

4/ لا تجيبي موية على السرة الين ما تطيح عشان اذا رطبت ممكن لاسمح الله تسوي التهاب