عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ماذا نريد؟
😛
او بكلمة اوضح شوية
او سؤال كلنا بنساله لنفسنا
انا عايزة ايه من كدة؟
طبعا دى دعوة للنقاش
انا حقولكم اللى فى خاطرى بالظبط عشان تفهموا كلامى اكتر
انا اول مادخلت النادى هنا ويمكن اكتر المواضيع عن السنة والشيعة
طبعا انا بعد اقرا انا وجوزى لما الاقى موضوع يشدنى او اقرا له انا بس بصوت عالى
المصيبة الكبرى لما اقرا الردود قدامه او هو يقراها معايا
والله يافرشات فضيحة سب وكلام فظيع
بعد مااقفل الموضوع اعد افكر مع نفسى
احنا عايزين ايه؟
احنا عايزين ربنا يهديهم ؟
ولاعايزنهم يبطلوا يسبوا فى الصحابة؟
ولاعايزينهم ويتبعوا مذهب السنة والجماعة؟
ولا عايزين منهم ايه؟
لما بنزل موضوع
هل الموضوع بنزله عشان نفضح اخطائهم وبس؟
ولا نبصرهم على اخطائهم؟
ولا بنتسلى عشان نلاقى حاجة نتكلم فيها وخلاص؟
ولما المشرفة بتمسح مشاركتهم
بتمسحها عشان هما شيعة؟
ولا بتمسحها عشان بيسبوا ويشتموا… طيب مش بتمسح السب كله ليه؟
تذكروا قول رسول الله صلى الله عليه وسلم
فوالله لأن يهدي الله بك رجلا واحدا خير لك من أن يكون لك حمر النعم
صدق رسول الله صلى الله عليه وسلم
من يعتقد ان الدفاع عن صحابة رسول الله بالسب والشتم يرضى صحابة رسول الله رضوان الله عليهم
فهو على خطا بين
الدفاع عن اهل السنة بالسنة
والدفاع عن صحابة رسول الله وامهات المؤمنين يكون من خلال مواقف تدل على حب رسول الله لصحابته وروجاته امهات المؤمنين
وهذا قولى لم يسب صحابة رسول الله صلى الله عليه وسلم
ان كنتوا تحبون رسول الله فاحبوا اصحابه بحبكم له
فانه كان يحبهم فى حياته صلى الله عليه وسلم
فلا تاذوه فيهم بعد وفاته وان كان رسول الله صلى الله عليه وسلم عايش بيننا الى اليوم لم يرضى لكم ان تسبوا احد من صحابته
اللهم انى بلغت اللهم فاشهد
