عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بنات انا صار لي شي غريب امس ومدري وش السالفه ياليت اللي عندها خبره تعلمني
وش اللي صار؟؟ قبل امس كنت منسدحه وشرقت وكحيت بقوه وحسيت شي نزل مني كني سويتها على نفسي مع اني توني جايه من الحمام قمت لقيت بقعه مويه على ملابسي مو كبيره شويه بس حسيت ان مع الكحه نزل مني مويه وبعدها حسيت بشد خفيف في بطني المهم طنشت ونمت ويوم جا اليوم الثاني اللي هو امس قمت الساعه 3 العصر ولا كان فيني شي ابدا ابدا دخلت الحمام ورجعت على سريري شوي واحس الجهه اليسرى من ظهري الم الم مو طبيعي قلت وش ذا لا يكون كلى ولا شي ومعاه الم خفيف في البطن بس اكثر شي في الظهر من ناحية وحده اللي هي اليسار بس لين العصعص المهم قلت يمكن شوي ويروح وزاد رحت امي ويالله وصلت لغرفتها وسالتها قالت ان شاءالله مافيك شي دهنت ظهري شوي الا اختفى الالم كاني كنت ميته وحييت من قوته ورحت ابي اكمل نوم وماامداني اوصل غرفتي الا رجع وارجع لها اقول جاني مره ثانيه وانسدحت عندها شوي وراح وبعدين رجع يعني جاني 3 مرات كل خمس دقايق قالت امي قومي اذا تبين تجهزين لك شي ولا شي اللي فيك طلق مع اني توني منتصفه التاسع باقي اسبوعين على موعد الولاده بس قلت الحريم مو زي بعض استانست وفي نفس الوقت خفت المهم وصارت حالة استنفار في البيت صارت امي واختي يمشون ويتصاقعون وانا امشي وراهم من قوة الالم من 3 الى 6 صار الالم متواصل وزاد لين 8 وبعد 8 اختفى فجأه قلت كويس خليني اقوم اتروش واشوف وش ابي دام مافيني الم قمت اتروشت وخلصت وشريت حليب والالم لا يكاد يذكر من خفته وقلت فرصه انام لاني مانمت زين اليوم اللي قبله قمت نمت والحين لما قمت الصباح ما احس ولا بشي ابدا ابدا ابدا مع اني امس قلت خلاص بولد من قوة الالم حتى اختي نامت عندي في غرفتي وكل شوي امي تجي تطل علي وانا الحين محتاره وش ذاك اللي جا امس ايوه صح امس لما دخلت الحمام نزل مني زي الخيط لونه اخضر فسفوري مخاطي اول مره اشوفه
والحين مااحس بشي ابد ابد واللي محيرني وش اللي صار امس ياليت اي وحده تقدر تفيدني تعلمني والله يسهل ولادتي وودلاة كل حامل يارب ويرزق كل محرومه
