عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أسأل الله أن تكونوا في أتم الصحه والعافيه
عندي رؤيتان شفتهم من فتره قريبه جداً وللأن كل ماأتذكرهم أحس بضيقه
وخوف
أرجوكم أخواتي فسروها لي ويااارب يكون تفسيرها خير
الأولى
شفت نفسي جالسه في صالة البيت وكانت الارض رخام وكان جالس جنبي الوالد
أنا ناظرت تحت رجولي لقيت في حيه ( ثعبان ) صغير ولونه بيج وصغيره جداً
كانت تمشي تحت رجولي وأنا خايفه أنها تلدغني وبالفعل لدغتني أول مره وبعدين راحت ورجعت
لدغتني مره ثانيه وأنا كنت خايفه وقلت في نفسي خلاص راح أموت أول ماينتشر السم في جسمي
وكنت مستغربه ليش ابوي مو مهتم ومطنش مع انه عارف انها لدغتني
رحت لغرفتي وجلست على الارض متضايقه من ابوي وبعدين هو جا عندي وقلت له
ان الحيه لدغتني ووريته مكان اللدغتين
بعدين قالي أبوي أضغطي على الجرح لين يطلع السم وبالفعل ضغطت على اللدغه الاولى وبداء يطلع
الدم كأني أعصر ألوان زيتيه وكان لونها أحمر وفيه لون ثاني
ولما ضغطت على الجرح الثاني بداء الدم ينزل بغزاره وجا أبوي وحطلي عليه مرهم وقال ان شاء الله
بيشفى.
طلع من عندي وبعد فتره لحقته لقيت الحيه اللي بالصاله صارت ثعبان ضخم جداً ولونه أسود وأبيض وراسه
يشبه (الكوبرا) خفت حيل وكان ابوي ماشي لها وبيده مسبحه كبيره وحط راسها وسط المسبحه وضغط عليها
ولما ألتفتت له تبغى تأذيه مسكها بيده وبداء يخنقها ويحط راسها على الارض ويضغط عليها وهو يقول
لازم أول أطلع منها السم وأكسر أنيابها وبالفعل انكسر أول ناب لها وأستمر يخنقها لين كسر رقبتها.
وقت الحلم: الفجر
الحاله: غير متزوجه
التدين: محافظه ولله الحمد
ملاحظه: أنا أتعالج بالقرآن بسبب تعطيل الزواج
أسفه على الاطاله ولكن أرجوكم أن تطمنوا قلبي لأني من جد خااايفه
وأرجوكم أذا كان التفسير شر لا تفسروه لي وخلوه بدون تفسير أسألكم بالله .
