قصة ولادتي البطيئه

كيفكم يااحلى عسولات ؟ اتمنى انكم بخيييير ياارب والله يهون على كل حامل يارب ويرزق كل محرومه عاجلا غير اجل ➡

بنات انا وعدتكم اني احكي لكم قصة ولادتي البطيئه والممله بس الحمد الله على اجر ان شاء الله والحمد الله اني انا و كتكوتي بصحه وسلامه 😆 idea:

عقبالكم يااااارب
انا ياغاليات من يوم الاربعاء وانا ينزل معاي خيوط حمراء بس مامعاي اي ألم وحركة الجنين كانت عاديه وهذا اللي طمني بس مع هذا خفت دخلت وتروشت وتنظفت وقلت بجلس انتظر الالم دخلت التجمع ومن زين حظي مافيه احد اسأل ابي احد يرد علي من هنا من هنا وللاسف ماكان فيه احد وبصراحه انا كنت خايفه ابي احد يطمني بس مالقيت احد تعوذت من الشيطان ونمت ولما صار يوم الخميس مامعااااي اي شي لادم ولا شي وحركة الجنين طبيعيه الحمد الله رحت لاهلي ولاقلت لامي اي شي
لما جاء يوم الجمعه وينزل معاي خيوط دم وافرازات بنيه هنا انا خفت وقلقت قلت ابد مالي قعده بروح لدكتوره شاطره وتعلمني وش السالفه وزوجي يقول لا بوديك للمستشفى عشان تولدين

انا سمعت تولدين دارت فيني الدنيا واجلس ابكي قلت لا ودني لامي ماابي اولد يوم شافني ابكي وحالتي حاله قال خلاص نروح مستوصف ونشوف وش تقول المهم رحت لها سوت لي سونار وقالت كل شي كويس والدم هذا طبيعي يدل على ان الرحم توه بدا يفتح وقالت لي لا تروحين للمستشفى الا اذا نزل معاك مويه كثييييييير قلت لها ان شاء الله
طلعت منها ورحت لاهلي ولا قلت لهم اي شي وامي حاسه اني تعبانه وانا والله ماكان فيني اي شي لاألم ولا وجع ولا شي بس رجليني توجعني وقلت يمكن من الثقل وريحت بالي طلعت من اهلي الساعه 12 ورحت بيتي ونمت
يوم السبت الافرازات كثرت معاي بس مو كثير مره لا اقصد اكثر من الايام الي راحت وخيوط الدم بعد كثيره المهم قال زوجي انه معزوم اليله وتعذر قال لاخوياه ماراح اجي يقول خايف يجيك شي قلت له لا ان شاء الله انا بروح لاهلي وانت رح لاخوياك واذا جاني شي راح ارسل لك رساله وانا كنت متاكده اني ماراح اولد قال اوكي المغرب رحت لاهلي وقالت امي انت وجهك تعبان مره شكلك قربتي وانا اقول لامي ان شاء الله ياليت انا تعبت وانا .. وانا…. وانا قلبي يضرب من جوه المهم مدري كيف غلطت بالحكي مع امي وقلت لها كل شي من يوم الاربعاء لين الحين ويوم ققلت لها انهبلت وخافت قالت ابد ولا تطلعين الليله نامي عندي وهي قبل تقول لي اذا جتك ولاده لا تعلميني الا ااذا خلصتي
ياحبي لها اميمتي الله يحفظها ويخليها لي
المهم قامت الغاليه وسوت لي قرفه وشربتها وبديت امشي وامشي بالسور << ماعندهم حوووش

بديت امشي وامشي وادور على بيتنا ومليت ودخلت
شوي الا يجيني مغص خفيف يرووح ويجي بس الفرق بالوقت واضح قلت انا اكيد من المشي صرفت الموضوع وحطيت فراشي الساعه 12 ولما جيت انام بدا معي المغص يروح ويجي كل ربع ساعه وامي ياعيني عليها حاطه فراشها تحتي وكل ماتحركت قامت معي وطول اليل مانامت تدعي لي ولما صار الفجر قالت يابنتي خلاص اذا طلعو اخوانك للمدارس روحي للمستشفى قلت لها طيب ولما صارت الساعه 7 الصباح رحت للمستشفى ودخلت غرفة الولاده وكشفت علي من تحت قالت 3 سانتي واطير من الفرحه قلت الحمد الله هانت ان شاء الله عالساعه 3 العصر وانا والده المهم ماراح اطول عليييكم بس تخيلوو رحت لهم الساعه 7 الصباح يوم الاحد وماولدت الا الساعه 3 الفجر بعد تعب وموت وهدت حييييل وطلق صناعي ولما ولدت الحمد الله المشيمه مو راضيه تطلع ويحاولون فيني ومره المشيمه ملزمه تجلس صار عندي التصاق بالمشيمه وانا كنت تعبانه وحيلي مهدود ودوني غرفة العمليات وعطوني بنج كااااااامل وصحيت بعد ربع ساعه وانا بردااااااانه موووت وصار معي نزيف وشفت الموت بعيوني بس لما شفت ولدي نسيت كل شي و الحمد الله على كل حااااااااااااااااااااااااااااااااااال