عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كل طفل وله امنيه بس انا كانت امنيتي غيير
كنت اتمنى ازور دار الايتام
نفسي اشوف كيف عايشين
كيف اشكالهم و لبسهم
المكان اللي عايشين فيه مطبخهم غرف نومهم
هذي اهدافي لزيارتهم
حب استطلاع فقط
كنت احس انو شي مستحيل
بس امنيتي عاشت معايا طول السنين اللي راحت
سبحان الله يمكن عشان سبب زيارتي لهم ما اتوفقت في زيارتهم
بس ذحين صرت كبيره
وصار ليا اهداف غيير
المهم في يوم من الايام اسولف مع yooosha
وجالسه اقولها من زمان نفسي اروح لدار
اتكلمنا شويه عن بنات الدار وكيف عايشين
رجعت yooosha بيتهم وتدخل عليا في المسن
yooosha:ابشررررررررررررررررررررك عندي لك احلى خبر في الدنيا بس هاتي البشاره اول
a7la shosho:اهلين وسهلين ومرحبتين هاتي بشارتك ولك اللي تبغين
yooosha:تخيلي اليوم اقول لامي انك تتمني تروحي لدار الا تقولي انو راح يسوون حفله لدار الايتام وراح
نروووح
a7la shosho:واااااااااااااااااو احلى خبر وااااو وااااو وااااو >>>في هذي الحظه دمعت عيوني
واخيرا راح تتحقق امنيتي
خلاص صرت افكر طوول الايام ايش راح نسوي كيف نتعامل معاهم
ابغى اسوي اي شي يسعدهم
ابغى اساهم في الحفله باي شي
يا ربي عددهم كبير ما اقدر اجيب لهم شي الميزانيه ما تسمح
حزنت مرررره
بس قولت هذا الشي ما راح يخرب عليا لازم اساهم
الحفله فيه مين اتكفل بتكاليفها ما شاء الله كثير اللي فيهم خير
طول الايام ادعي ربي انو ييسرها لنا ويعطينا على قد نيتنا
يوم الخميس موعد الحفله
متحمسه لها كثر
قلقانه خايفه فرحانه ما ادري ليش هذي المشاعر
ما ابغى افوت على نفسي هذا اليوم ابغى ابذل كل جهدي عشان اسعدهم
خرجنا من البيت رايحين للمكان اللي مسوين فيه الحفله
كان برا الدار
طووول الطريق افكر في البنات كيف ممكن نتعامل معاهم
كنت مره خايفه
دايمن اسمع عن بنات الدار انهم ما يحترمون احد ابدا
ويخوفون شويه ودايمن يكونو بنات الدار مسترجلات
بس قولت لو ايش قالولي ما راح اعاملهم غير بطيب حتى لو ما احترموني
دخلنا من البوابه واحنا شايلين الاغراض وندخلها للغرفه
شويه الا يدخلون علينا كم بنت وانا ادعي ربي يا رب جملني معاهم
وفي نفسي اقول اخيرا شوفتكم
ما شاء الله عليهم اشكال مرتبين بقوه
شياكه كشخه نظيفين
كل وحده لابس لبس غير الثانيه بس فيه ثنتين مطقمين
مسوين حركات في شعورهم ظفاير وحركتات بسيطه مره حلو >>تموت على تساريح الظفاير
كل وحده معاها شنطه كبييره ومليانه وكل وحده عندها جهاز في يدها
بعض الاجهزه عمري ما قد شوفتها
زي البي اس بي وطقتها
بس تطالعي فيه عيونهم تحسي فيها حزن
كل وحده لها شكل غير بس كلهم مشتركين في شي واحد
الحزن اللي في عيونهم
الترفيه هذا كله ما اغناهم عن اهم شخصين في الحياة الام والاب
حسبي الله
فاجئوني بتعاملهم معانا وادبهم
ما شاء الله ادب مو طبيعي
اي شي يبغونه قبله يقولو لو سمحتي او ممكن
ينادوني يا ابله حتى معانا بنات اعمارهم 13 و 14 و15
ما ينادونهم الا يا ابله
اشكالهم مره نعومه من جد بنوتات يهبلون مو زي ما كنت اسمع عنهم
بدينا نرتب الاغراض
في اشياء تتقسم في سلال وفي اشياء تتقسم في اكياس
معانا يرتبون ما شاء الله عليهم يحبون التعاون
مره متعاونين
طلعنا لاالعاب عشان نلعب
الحبل عشان ينطون واحنا نلف لهم
خبره في نط الحبل كانت وحده تنط ونطها سريع ما شاء الله
قولت للي تلف معايا الحبل هذي سريعه ما شاء الله لازم تلفي بسرعه
تخيلو بعد ما قولت هذي الكلمه البنت صارت معاي مدري كيف
ما تبغى احد يقولي شي ولازم اي شي اقوله يتنفذ
تخيلو بس قولت لها هذي نطها سريع ما شاء الله عليها
اجل لو بستها وضميتها ايش كان سوت معايا آآآآآآآآآآه وربي عورني قلبي من هذا الموقف
كنت واقفه مع وحده من المشرفات وزهور تسولف وتضحك وتتحرك كثير قدامنا
وتجي للمشرفه من وراها وتغطي عيونها تلعب مع المشرفه
قالت المشرف زهور لا لا ما اصدق انتي مو زهور اللي اعرفها ايش صار
لمن راحت البنت قولت للمشرفه ليش قولتي لها كذا كيف زهور في الدار
قالت زهور مره مره هاديه ما تتحرك ابدا
ولا تتكلم ولا تلعب فيها هدوء مو طبيعي
يا الله طلعه زي كذا غيرتها لهذي الدرجه
تشوفيها تمشي بفرح وتدور وتلعب
جا وقت الزفه وتجهيزات الزفه في غرفه
قبعات واقنعه وبلونات وعصي مضيئه
وكل البنات منتشرين في الحوش
كيف نجمعهم عشان يلبسون ويطلعون على الشريط
بس قولنا بنات تعالو الغرفه راح نزفكم وفيه قبعات واقنعه تلبسونها
في ثواني وكل البنات في الغرفه وكلهم لابسين
احنا قد سوينا كذا حفله لعيالنا زي كذا وربي نخذ
وقت الين يتجمعون في الغرفه ولا تحصل مضاربه
بدال ما نفرحهم نبكيهم
وهذولا ما شاء الله عليهم كل شي بنظام عندهم ومطعين
فيهم اشياء كثييره حلوه
خلاص جهزو لزفه
طلعت الكام عشان اصور
لاني كنت مخططه انزلكم الصور
الا تجيني المشرفه ممنوع التصوير انا على طول نزلت الكام>>خوافه وتسمع الكلام هع
قالت وحده بس الاطفال قالت حتى ممنوع
بسبب التصوير هذا دخلنا في مشاكل
وراح اقولكم مشكله صار بسبب التصوير
وحكتنا على المشكله ما فهمته منها شي
قالت وحده طيب لابسين اقنعه ما راح تبان وجيههم قالت حتى لو
انا اصلا بس قالت ممنوع رجعت الكام في الشنطه ولا فكرت اصور بعدها
طلعنا البخاخات ونوافير الورق وزعناها على البنات الكبار
عاد من اول ما جينا ما شوفنا البنات الكبار الا وقت الزفه
مره انبسطو على البخاخات في لحظه خلصوها ويبغون زياده
شي مره حلو لمن تسعدي انسان ربي يسعدهم
جا وقت العشاء من الباب المشرف تنادي البنات
بنات العشاء على السفره غسلو يدينكم هنا واتاشر على مكان المغسله
وتعالو للعشاء
مع انهم جالسين يلعبون بس انتبهو لكلامها وعلى طول راحو
ادخل عليهم عند العشاء ما شاء الله جالسين بترتيب
المكان كان مليان جلست الا وحده من البنات تقول لهم
بنات ركبه ونص ركبه ونص وتضرب على رجلها >يعني يغيرو جلستهم عشان يصير مكان للي ما قد جلسو
شويه الا كلهم ورا بعض يغيرو جلستهم
وربي على نظامهم هذا حسيت اني في اليابان
انا استحيت منهم مو قادره اجلس ركبه ونص شويه وقمت
بعد العشاء جلسو شويه يلعبون لعبنا معاهم ولعبناهم
وكان فيه كم لعب مو عارفين لها بعض البنات علمناهم كيف يلعبون فيها
وما شاء الله عليهم بسرعه يتعلمون
شويه الا المشرف تقول بنات الا بنرجع الدار
في لحظه كل البنات عند الباب جاهزين واغراضهم كلها معاهم
اقول لاختي بلله شوفي لو احنا نجلس ساعه نجمع في البزوره ونجمع في اغراضهم
مساكين عارفين ما راح احد يدور عليهم ولا يجمع اغراضهم
دخلت الغرفه اللي كانو فيها مرتبه ونظيفه وما فيها اي شي لهم
هذي امنيتي واتحققت واتمنى تنعاد
بنااااات حطو في بالكم لو سويتو شي زي كذا او حتى زياره بسيطه لهم في الدار
راح تسعدونهم ساعه او ساعتين
وبمجرد خروجكم من عندهم راح تخرج معاكم السعاده اللي دخلتوها في قلوبهم
والمستفيد في الاول والاخير انتو
راح يجلس معاكم الاجر طوول العمر وحتى بعد موتكم
لااااا تحرمون انفسكم الاجر شوفولكم اي يوم وزوروهم
كل وحده تشوف الموضوع تروح تحكي لامها وخططو من ذحين لزياره لهم
وياليت اللي تزورهم تجي تقولنا كيف كانت زيارتها لهم
دعواتكم لكل من ساهم في دخول الفرحه في قلوبهم
فيه تفاصيل كثيره صارت ومواقف اكثر بس ما حبيت اطول عليكم >>هذا كله وما طولتي هع
a7la shosho في دار الايتام
