الى متى اصبر؟؟!!!

كيفكم يافراشات ان شالله كل شي تمام

ودي افضفضلكم ماعندي بعد الله غيركم

مدري من وين ابدى بس باختصار انا وحده طفشت من الحال الي انا فيه

لي ثلاث سنوات متخرجه ومنطقه بهالبيت مليييييييييييييييت وطلعت روحي

حتى المدارس الاهليه مالي حظ فيها توظفت بمدرسه وكرشوني;)

لاوظيفه لازواج

احس اني عاله على اهلي

والله اني استحي منهم

لين متى اطلب منهم كأني طفله

ودي اعتمد على نفسي

وانتوا عارفين كيف الوظايف الحين صعبه

ياريتني مادرست وتعبت حتى شهادتي مدري وينها

ومسألة الزواج عارفه ان كل شي مكتوب
الحين اختي الي اصغر مني راح تتزوج قريب ان شالله

وانا فرحانه لها الله يوفقها ومبسوطه ان الفرحه دخلت بيتنا لاننا من زمان مافرحنا

بس اقول الله يعيني على كلام الناس
اكيد بيقولون ليش الكبيره ماتزوجت ومن هالكلام

كل يوم ادعي واقول يارب صبرني بس الى متى

والله طفشت ومليت لو علي اتحمل

بس احس اهلي متضايقين من هالحال الي انا فيه

وانا مابيدي شي اسويه

اليوم اول يوم للدوام اقول بنفسي يابخت الي عنده دوام ويطلع من الصباح ويشغل ويفييد نفسه

والحين ثالث سنه وانا جالسه بهالبيت ماتغير من حالي شي

درست حاسب الي بس الى الان ماختبرت

مدري ليش كل شي مصعبينه حسبي الله ونعم الوكيل

الله يغيننا عنهم بس

صرت 24 ساعه افكر شعري صار يتساقط بشكل مو طبيعي حتى كل من شافني يقولي ليش شعرك صار كذا خفيف

الى متى اضل على هالحال لو مرت السنين وانا كذا؟؟؟

الي حولي ياتوظفوا ياتزوجوا

حالتي الماديه زفت

انزل السوق بس اتفرج واطلع احتاج اشياء كثير ومااقدر اجيبها

ومااقدر اطلب من اهلي كل شوي استحي منهم بدل ماساعدهم اطلب منهم!!!

ادعولي ان الله يفرج همي ويرزقني