قصة ولادتي +سؤالين ع الماشي!

عزيزاتي..انا ولدت الحمد لله ببنوته زي العسل ..سميتها لين رغم الانتقادات الكثيره على الاسم لكن رضا الناس غايه لاتدرك ..قصة ولادتي كانت سهله الحمدلله ..جاني الطلق الساعه 12بالليل بس انا ما اعتقدت انه طلق لان هذا المغص اللي جاني كان يجي ويروح من بدايه التاسع ..المهم ..رغم المغص قدرت انام وقمت الساعه 2 واخذت حمام ماء دافئ لان الوالده الله يحفظها قالتلي انه لو جاك مغص وبتتأكدي انه طلق ولا لا خذي دوش دافئ وبعدها اذا زاد المغص يكون طلق..وفعلا بعدها مو على طول يعني بساعه كذا صار المغص ينتظم وانا مازلت اكابر واقول لزوجي لا مو طلق لانه الالم مو شديد عادي زي وجع الدوره.. الى ان صارت الساعه 4 بعدها تأكدت انه طلق لان المسافه بين المغصه والثانيه صارت اقرب وحسبها زوجي كانت 15 دقيقه..بعدها جهزت نفسي للذهاب للمستشفى وقمت واستشورت شعري..!!!اي استشورت ..(احب اكون على سنجه 10 في اي حاله..!!)ولبست بعد ماصليت ودعيت ربي يسهل ولادتي اللي كنت اقول لزوجي اني مطوله لسه ولو رحت للمستشفى راح يولدوني ثاني يوم العصر وكنت مصره مااروح الا وانا ماباقيلي كثير لاني اكره المستشفيات واذا شفت حالات ولاده مثلي هناك وشفت الالم والتأوهات راح اتعب وتتعب نفسيتي ..المهم زوجي ماسمع كلامي ولانه دكتور فحصني بالبيت ولقاني في حاله ولاده!..رحت للمستشفى وفحصني الدكتور وقال فاتحه 7فنجر…!!والولاده بعد ساعه او نص ساعه
طبعا انا ذهلت بس فرحت انه بهاي السرعه اختصرت الالم ..وانتظرت ..ركبولي المحلول وفيه مسكن للالم (بعد توصيه زوجي)وطبعا مسرع للطلق بعدها الدكتور شاف الطلق مو قوي مره ففتح كيس الجنين وبعدها بربع ساعه بس يمكن دخلت غرفه الولاده والحمدلله …
بس نصيحتي لكم ياحوامل ..المشي ثم المشي ثم المشي+ اكل التمر=ولاده ميسره بإذن الله وطبعا المعادله ما تكتمل الا بالدعاء ..في كل سجود…ودبر كل صلاة…
بس انا عندي سؤال …انا الحين صار لي اسبوع والده وما استخدمت لسه المشد ..هل انا متأخره في استخدامه مع العلم اني بديت امس تمارين البطن اللي عملتها قبل ماانام 50 مره وناويه باذن الله كل يوم استمر عليها…
وفي سؤال ثاني طبعا مع الرضاعه صدري كبر ..في أحد جرب يصغره بالتمارين او باي شي ثاني…لان شكل صدري وبطني مضايقيني جدا بعد الولادة…فيدوني جزاكم الله خير…