من دفتر مذكراتي ..للفائده فقط..

بسم الله الرحمن الرحيم.. السلام عليكم ورحمه الله وبركاته ..انا من زمان اتابعكم ..واحب ادخل هالقسم كثير ..اشوف مشاكل البنات ..وهموهم ..واستفيد احيانا من مواقفكم ..واتنبه لااشياء ..احيانا ممكن تفوتني ..او ماافكر فيها زين ..فحبيت اقول لكم تجربتي ..يمكن احد يستفيد منها ..لان الان زمنا زمن الانترنت ..
لاحظت ان هالقسم اغلبه طالبات من المتوسط والثانوي ..والجامعه وكمان اللي بعد الجامعه يعني يمديهم انهم يغيروا حياتهم ..ان شاء الله فحبيت انهم يستفيدوا .. ..فنبدا بسم الله ..انا يوم كنت بثالث ثنوي ..كنت ابي كل شي بهالدنيا ..كل شي ..التميز التفوق ..اني اكون غير عن زميلاتي ..ارسم لمستقبل طموح جدا ..والله ماتتخيلون كيف احلامي ..اني ادرس بامريكا ..واني اكمل بفرنسا ..احلام ورديه اكثر منها واقعيه ..طبعا هالاحلام ..بواقعي مستحيل تتحقق ..الا باذن الله ..انا كنت ابي ادرس برا ..مو عشان العلم لا للاسف ..بس عشان الناس يقولون فلانه راحت .. المشكله اني ماقلت لااحد ..اني ابروح ..لا ابوي لا اهلي ..بس راسمه هالشي بخيالي .. طبعا احلام اليقظه كانت مشغلتني ..وحنا على نظامنا الثانويه اسئله وزاره مو من نفس المدرسه مثل هالوقت ..وانا غارقه باحلامي …مانتبهت الا واختبارات السنه ..جايتني ..اتوقع موادنا كانت كثيره فيزيا وكيميا واحيا ومواد الدين ومواد العربيه ..اكتشفت ان درجاتي بالرياضيات ضعيفه..تخيلو رغم مذاكرتي ..جبت اربعه من 15 بس ..وكنت من اخر البنات ..والله ماتتخيلون قد ايش صدمتي ..تدرون ايش الاحساس اللي جاني ..تعرفون احساس انك تكونين اكبر غبيه بالكون ..هذا هو اللي جاني بالضبط..قمت اسال نفسي ..ياالله بالرغم من كل المذاكره بس جبت اربعه ..تدرون لفيت ولفيت ..وحطيت براسي اني غبيه ..بدليل ان كل البنات اقل درجه سته ونص ..المهم حطيت هالاحساس براسي ..وجاني اكتئاب ماتتخيلون كيف ..مرت الايام..ودرجاتي كل مالها بالنازل ..ماعدا مواد الدين والعربي ..وهذولا ماياثرون بالمعدل ابد .. اكتشفت اني لو اموت مااتعدى الثمانين ..عارفين ..برج امريكا يوم انهار ورب البيت وربي اللي خلقني احساسي بقلبي مثله يوم انهار حلمي ..المشكله كل هذا يصير فيني وانا على الصامت ..امي فرحانه تشوف بنتها ماسكه هالكتب تحسب اني فاهمه كل شي ..مادرت اني اجيب اصفار مربعه .. مابي اطول عليكم ..
المهم بدات نفسيتي تتدمر ..واكلي كل ماله ويقل ..والوقت يمشي ..وانا حتى الخميس ماسكه كتبي المشكله مافيه تحسن ..نهائي ..درجاتي ابدا مش اوكي ..لحد امتحانات النهائيه الترم الاول ..وانا والله مانمت ولا ليله من ايام الاختبارات بالعكس ..اسهر واسهر ورغم كذا ابدا مااجاوب وغيري ينام ويحل بنص ساعه (كان هذا تفكيري وقتها لكن الان تغير وابقولكم كيف ..بعدين )اخرشي دخلت اختبار الرياضيات ..وقلت كاني حسيت اني ماراح احل ..خلاص ابترك الدراسه نهائيا ..يابنات تعقدت كتبي ماني فاهمه منهم ولا حرف ..متخيلين كيف ولا حرف ..وفعلا ..دخلت الاختبار ..وحسيت اني ماراح اجاوب ..واحسن لي اخذها من قاصرها واترك الدراسه احسن من اجيب سبعين واجلس بالبيت ..تدرون طلعت من اختبار الرياضيات منهاره ..منهاره بمعنى الكلمه ..والناس يطلعون يضحكون من سهوله الاسئله ..يعني العيب فيني انا مو فيهم ..رجعت البيت وانا على الصامت ..والكل يسال كيف اختبارك ؟؟بشري سالتهم ابوي فيه ؟؟قالوا ايه رحت لبوي وقلتله انا ماابي اكمل دراسه ؟جاني برود مو طبيعي ..قلتها بالحرف السنه الجايه ربي يوفقني والدنيا مو طايره ..وقمت ..الى الان ماادري من وين قوه قلبي ..الباقي ان شالله اكمله بعدين لانه سالفه طويله ..ودي كلكم تستفيدون منها ..لانها خمس سنوات من عمري ودي انكم تستفيدون بكل لحظه ..اشوفكم على خير ان شالله ..