عندي مشاكل مع زوجي وشلون احلها ؟؟؟

السلام عليكم ورحمة الله اهلين اخواتي بصراحة انا تعبانة كثير انا متزوجة وعندي 4 اطفال الله يخليهم يارب وانا في مشاكل مع زوجي من اربع سنوات تقريبا كانت المشاكل مجرد خلافات واختلاف في الاراء بس مع الوقت كبرت المشاكل بيننا لدرجة اننا في بيت واحد ونجلس تقريبا عشر ايام ما نكلم بعض اكيد تستغربون وتقولوا ليش ماتروحي انتي وتراضيه علشان حياتنا تستمر صدقوني والله العظيم انا الي دايم اجيه واراضيه لاني امل من الوضع بسرعة حتى لو هو الغلطان يعني لو اجلس شهر او شهرين مايجي هو ويراضيني مع اني متاكدة انه يحبني بس هو مغرور شوي وعنيد عناد شديد والمشاكل الي بيننا سببها عناده الشديد وتمسكه بارائه وانا الان في حالة سيئة تصدوقن لو قلتلكم انه منعني اروح بيت اختي من 3 سنوات بسبب مشكلة صارت بس ايا كان سبب المشكلة هل يحق له انه يمنعني ؟؟ صدقوني تعبني هالموضوع كثير وعلى فكرة مو هذي المشكلة بس في اشياء كثيرة مثلا يرفض اسافر مع اهلي لاي مكان واتركه حتى لو يومين !! ويرفض اجدد في البيت واغير فيه مع انه حالته المادية ممتازة ومع انه كريم جدا !! يتدخل في كل شي في لبسي في زياراتي مع انها قليلة يتدخل في علاقاتي مع اخواتي لو استشرهم في شي او طلبت النصيحة منهم قال ليش يتدخلون في حياتنا مع انه ماعتبر ان هذا تدخل … ولو دعتني احد اخواتي لزيارتها قال هذي امر من اخواتك وتوجيهات ومن هذا الكلام ويقولي دايما ان اخواتك اهم مني عندك وانهم ساحرينك وكلامهم دايما هو الصح صدقوني يمكن تقولوا اني ابالغ واكبر الموضوع او يقول مثل هذا الكلام في لحظة غضب بس انا متاكدة انها غيرة وانقلبت الغيره لكره لاهلي وهذا الشي سبب مشاكل كثيرة بيني وبينه تنازلت عن اشياء كثرة علشانه لاني احبه كثير بس مليت من العيشة هذي انا ماقول اني ملاك وما اغلط انا اغلط واذا حسيت اني غلطانة والله اعتذر له علىطول بس والله العظيم انا مو مقصرة معه ولا مع اهله الله يخليكم وش اسوي ؟؟؟ خايفة اذا تركت البيت ابدا بدوامة مشاكل ثانية وانتوا عارفين .. وبصراحة مليت من الوضع الي انا فيه هل مومن حقي اني اعيش عيشة طبيعية زى باقي الناس بدون مشاكل ولا هذا قدري ولازم اتحمل ؟؟ ارجوكم علموني وش اسوي انا محتارة مرة مرة … ابي رايكم قبل ما اتصرف اي تصرف اندم عليه ؟؟ وفيه سوال ابغا جواب عليه منكم الله يخيكم … من حقي اني ازعل من زوجي اذا قالي كلام يجرحني ولا لا ؟؟؟ واذا من حقي اني ازعل مين المفروض الي يعتذر انا ولا هو؟؟؟ واذا قلتوا مو من حقي اني ازعل ليش ماازعل ؟؟ انا انسانة مثل باقي الناس عندي مشاعر واحساس ؟؟ معليش انا عارفة طولت عليكم بس ياليت القى منكم رد يبرد على قلبي ويريحني ويخليني اطلع من الحيرة الي انا فيها وجزاكم الله خير