عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
اهلين بخواتي الفراشات اتمنى منكم توجيهي ونصحي انا مملكة لي ثلاث اسابيع وخطيبي كان عندنا بالبيت بس ماخذ رقمي غير قبل ثلاث ايام
ويوم كان عندنا بالبيت ولا مرة قال لااختة بشوفها او مشتاق لها او سلميلي عليها او اي كلمة حلوة حتى ماسال علي مادري لية الا يوم العيد عشان يعايدني ومتى حتى دقيقة هو واقف سلم ومشا ويوم راحو سلم ومشا حتى ماقال لي ولا كلمة ابد غير مع السلامة مادري حتى يوم شبكتي ماقال لي كلام حلو ابد جلس ينكت وبس مادري لية مادري لية وش السبب يوم شبكتي تجرات انا وقلت لة كلام حلو وتحسفت قلت يمكن يتكلم والمصيبة انة هو ماهو خجول ابدا انا الي خجولة مرة المهم هم امس سافروا كيف اكلمة وابدا معة نفسي اقول لة الحمدالله على سلامة الوصول بس صعبة اني اتصل قبل هو يتصل ولحد الان ماصار اي اتصل ابد بس انا كيف ابد معة بالكلام كيف اسولف وش اقول لة دايم ارسل لة الا يام ذي او اكلمة على طول كيف تكون علا قتي معة بايام الملكة كيف اخلية يتعلق فيني ويتصل علي ويرسل علي دايم وش الاشياء الي ينتقدها الرجال دايم يعني ابغاكم تقولون لي كل شي عن المكالمات ايام الملكة والاشياء الخطاء الي ابعد عنها ماعندي خوات غير انتم انا الكبيرة بالبيت واتمنى منكم توجيهي ونصحي بكل شي ومساعدتي ودعواتكم لية اانة ربي يسخرة لي ويحببة فيني
