أمي تكرهني أنا وأختي … يارب رحمتك ..

أروع ماقيل عن الأم…
ما قيل عن الام….

الأُمُّ مَـدْرَسَــةٌ إِذَا أَعْـدَدْتَـهَـا
أَعْـدَدْتَ شَعْبـاً طَيِّـبَ الأَعْـرَاقِ
الأُمُّ رَوْضٌ إِنْ تَـعَهَّـدَهُ الحَـيَــا
بِـالـرِّيِّ أَوْرَقَ أَيَّـمَـا إِيْــرَاقِ
الأُمُّ أُسْـتَـاذُ الأَسَـاتِـذَةِ الأُلَـى
شَغَلَـتْ مَـآثِرُهُمْ مَـدَى الآفَـاقِ
( حافظ إبراهيم )

لَيْـسَ يَرْقَـى الأَبْنَـاءُ فِـي أُمَّـةٍ مَـا
لَـمْ تَكُـنْ قَـدْ تَـرَقَّـتْ الأُمَّـهَاتُ
( جميل الزهاوي )

العَيْـشُ مَاضٍ فَأَكْـرِمْ وَالِدَيْـكَ بِـهِ والأُمُّ أَوْلَـى بِـإِكْـرَامٍ وَإِحْـسَـانِ وَحَسْبُهَا الحَمْـلُ وَالإِرْضَـاعُ تُدْمِنُـهُ أَمْـرَانِ بِالفَضْـلِ نَـالاَ كُلَّ إِنْسَـانِ ( أبوالعلاء المعري )

أَحِـنُّ إِلَى الكَـأْسِ التِي شَـرِبَتْ بِهَـا وأَهْـوَى لِمَثْـوَاهَا التُّـرَابَ وَمَا ضَـمَّا ( المتنبـي )
الأُمُومَه أعظمُ هِبَةٍ خَصَّ الله بها النساء ( ماري هوبكنز )

ليس في العالم وِسَادَةٌ أنعم من حضن الأم ( شكسبير )

قلب الأم مدرسة الطفل ( بيتشر )

من روائع خلق الله قلب الأم ( أندريه غريتري )

إني مدينٌ بكل ما وصلت اليه وما أرجو أنأصل اليه من الرفعة إلى أمي الملاك ( لينكولن )

لن أسميكِ امرأة، سأسميك كل شيء ( محمود درويش )

حينما أنحني لأقبل يديكِ ، وأسكب دموع ضعفي فوق صدرك ، و استجدي نظرات الرضا من عينيكِ . .حينها فقط . . أشعر باكتمال رجولتي( إسلام شمس الدين )…

وَاخْـضَـعْ لأُمِّــكَ وأرضها فَعُقُـوقُـهَـا إِحْـدَى الكِبَــرْ ( الإمام الشافعي

كلام كبير وحرام ينقال عن أمي … أمي مهما سوت وفعلت أمي ولازم أتحملها .. وهذا ما قاعد يصير … والله يعلم بحالي عايشه اللحين بدون إحساس إن عندي أم غصبن علي علشان ربي ما يغضب علي … والحمدلله والشكر ..الله يصلحها ويهديها ويحنن قلبها علي .. بقول لكم قصتي وأنا أعلم بأنني بكربه ولاكن عندي يقين بأن الفرج قريب ..إحساس لاني مظلومه ..والله حرم الظلم على نفسه … ولاكن أبي أراكم هل ما أفعله صحيح ..وراح أستمع لنصائحكم ..وراح أدعي لأي وحده ترد علي …

شخصية أمي .. أمي تحب الفلوس وتموت فيهن وتبيع نفسها علشانهن..ما أحد يحبنا أهل أبوي بسب كلام تقوله عنهم ما أحد يجينا غير بنت عمي تجي وبعض المرات وهي واقفه عند الباب تسأل عن أبوي وإذا كان مو موجود إرجعت ما حد يحبها بسبب إنها ممكن تكذب عليك ولا أحد يكلمها ودايم الناس غلطانين وتدعي عليهم والمشكله أنا كشفتها ربي يجيبني علشان أشوف بعيني ماتسوي بالناس .. خواتها ما يحبونها ..وتحب الكلام .. للأسف كذابه وتحلف بالله وهي تكذب .. الخدامه مجننتها ودايم تصيح منها .. برمضان تخيلوا تقومها الساعه 7 وهي ماتنام إلا 6 وربي حليله الخدامه وما تبينا نجيبلها أغراض مثل معجون أسنان وزيت شعر وهي بدأت ما تطلب الضعيفه تخاف .. حتى الحناء تخيلوا أسوي حناء لشعري وزيده علشان تفرح وتحنى الشغاله بس تروح أمي وتشيله وتغبيه المشكله الحناء من راتبي مالها شئ .. .. ليش ما أدري ؟؟؟ والمشكله لو تنادينها تترك ما بيدها وتروحلها .. والسب شوفي خوذي وخلي …. للأسف أمي ماتسوي شئ بالبيت لا طبخ ولا نفخ مقابله التلفزيون ومسلسلات حنا كل شئ يعني الشغاله تشتغل عنا وأبوي جايبها لنا وقالنا مارح تصبر على أمكم … تتقولون أبوي وينه أبوي صابر ومحتسب ولويدري عن ما تسوووي بأهله … ودايم يخانق والله أحس أبوي داخل الجنه بس علشان صابر عليها .. والحمدلله .. تحب المشاكل وتحب القيل والقال .. دنيا وسخه وش تبي فيها المهم .. دايم تنقل كلام بين أخواني وأقولها لا تنقلين وإذا جاء وقت المواجهه حلفت بالله ما قالت .. وأنا أنهبل بس وش أقول الله يهديها ….خيالها واسع …

أختي موظفه وراتبها عالي وماتقصر والله وعسل وأبوي وانا وخواتي وحريم أخواني يموتون عليها …وماشاء الله دايم ربي موفقها .. وماتجينا غير بالعطل ونفرح والله فيها .. حتى أبوي ..

بس لي إختين الأولى أشهدإنها عسل بس أمي خربت بينهن وتعبت أنا أقولهن لاتأخذون بكلام أمي .. بس ماتحب أختي الموظفه..
أمي إذا قلتلها إختي شئ علىطول تسويه صح غلط ..

واختي الثانيه .. نسخه من أمي .. عايشه للتفريق والكذب والقيل والقال ..وكل اللي بالبيت ما يحبونها لاخوان ولاخوات كلن مغلطه عليه قليلة أدب وحياء وتكره أختي الموظفه من قبل زواجها والله ما عمره أغلطت عليها.. ودايم تكذب علينا وأمي إذا شفتها غلطانه تسوي نفسها ماشافت شئ .. علما بأنها قبل زواجها خناقات هي وامي …وكلن يدري بمشاكل أمي يعني كل شئ تقوله للناس .. وبعدين تجي تقول خواتي قالوا …أنا ماقلت شئ والله نسخه عن أمي .. الله الهادي ..

أنا دايم أنصحها بس ماقدرت أثر عليها بس ماكانت بيننا خناقات وكل شئ أراعيها فيه علشان ربي والله يعلم …

إلا لي سنه أمي بدأت تزيد المشاكل بيني وبينها .. وبسبب أختي وكذبها علي ..وحلفها بالله وهي كذابه …تتقولون وش السالفه ؟؟؟بقولها لأخذ العبره فقط..
أنا كانت عندي صديقه وحرام يقال صديقه عنها .. المهم مطلقه ومحرومها من عيالها.. وناس يقولون هي ماتبيهم حذفتهم ..واالله أعلم وحياتها خواتها ما يحبونها ودايم مشاكل بيتهم ..دايم تشكيلي ..من خواتها المهم قدرت أغير فيها بعض سلوكيتها بشهادتها و أنا شفته ولاحظت عليها هالتغير بس هالبنت والله سويت فيها معاريف وخير وصارت تجيينا…وتحضر أفراحنا .. زين المهم نقلت كلام على لسان أختي الكذوب لي وفعلا كلام صاير في بيتنا ولاكن عليه ملح وبهارات حاره “””””من أختي الكذوب..
المهم تركت البنت علشان أنا أعرفها وقطعت علاقتي فيها بسبب أختي … هي إنقهرت وصارت هي وأختي وأمي علي والله كلام ما يقوله أحد .. وكل يوم ماسكين إني أتكلم بخوي ثم ببوي ثم بأختي ..طبعا ربي عالم ولا واحد يسمع كلامهن واللي مايسمع كلامهن يصير عدوهن …راضيه بحكمت ربي كذابات وإجتمعن …الشكوى لله

أمي صارت تكرهنني وتكره أختي ووخواتي اللي بالبيت وهن مالهن ذنب .. علشانهن يكلمني ويحبن أختي الموظفه… والمشكله يفتنن بيننا وبين أبوي بس أبوي هزئهن …

أختي الموظفه تعبانه وحاولت تجلس مع أمي وقالتلها أمي أنا زعلانه عليك بس ما أدري وش منه ..وقامت تصيح وبعدين صارت أمي كويسه معها وفرحت لها ..بس يوم ورجعت بناتها تاثنتين يأثرن عليها..
العيد إستانسنا علشان خواني .. بس هالثنتين مايجتمعن معنا .. والأم حالتها متقلبه تصير حليله وتنهضم..وبعد ماتكلمهن تنقلب للمعصبه ومتضايقه …خلاص تعبنا … أمي صرت ما أكلمها نعبت منها … بس والله ماتبيه أجيبه لها …

حسبي الله على كل وحده تفرق بين أم وبنتها …. وحسبي الله على كل وحده كذابه …

حسبنا الله ونعم الوكيل ..