قصه حملى بعد التكيس والجراحه ؟

الحمد لله العلى العظيم الذى اكرمنى بالحمل بعد معاناه طويله 4 سنوات من العلاج سوف اكتب ما تم معى من احداث انا حملت فى بنتى بعد 9 شهور جواز ومكنتش بدور لانى كنت فى رابعه كليه وعاوزة اخلص بعد ولادتى فى جنا ركبت اللوب ونزل لوحده بعدين اخدت حبوب منع الحمل لمده 8 شهور وحقنه بعدها لمده 3 شهور وبدات المشاكل تتوالى الدورة اختفت 3 شهور بدون سبب واضح وبعد العلاج بقيت كويسه دكتورة تقولى انتى حامل والاقى الدورة جايه والتحليل غلط مرتين لما احبط خالص رحت لدكتور راجل مع ان جوزى كان رافض الفكرة خالص المهم قالى نعمل منظار ولاقيت كل واحده تقولى بعد المنظار حمل قولت ماشى بعد المنظار منشطات لمده سنه وبرضو مفيش حمل وجوزى يتخانق معايا رايحه جايه على الدكتورومفيش حمل ومصاريف قولت للدكتور كده مينفعش انا فيا ايه قالى خلى جوزك يكشف قولتله سخر من كلاامى وقالى امال جبنا جنا منين عموما تعالى علشان اثبتلك والمفجاءة طلع عندى دوالى الخصيتين وده قلل الحركه والعدد وزود التشوه كان 10 مليون بس وعمل العمليه والدكتور بتاعى يدينى منشطات لحد الدورة مبقت تتاخر كتير ورحت لدكتور مشهور اوى اسمه احمد شمس وعملى ملف وقالى معندكيش حاجه طالما عملتى منظار وخلفتى وجوزك عمل العمليه وفات اربع شهور متقلقيش هاتحملى من عند ربنا قعدت شهرين والدورة منزلتش وااوهم نفسى انى حامل وارجع وبرضو مفيش حمل عطانى 14 ابرة فوستيمون وكلوميد 4 حبه يوميا ونزلت الدورة قالى يابنتى ريحى نفسك واعملى حقن اقنعت جوزى بالعافيه واعطانى دكتو احمد شمس اسم دكتور تانى شاب بس تلميذه على حسب كلامه رحتله اول يوم الدورة ومجهزه نفسى على اساس حقن بعد الكشف قالى عمرك ماهتحمللى كده التكيس عندك شديد فين شريط منظار الى عملتيه قولتله معطنيش حاجه ورينى الفتحات قولتله هى فتحه من السرة بس قال حسبى الله ونعم الوكيل انتى معملتيش منظار الدكتور حط الكاميرا اتفرج وشالها بس انا مش هاعملك حقن انا هاعملك منظار انتى لو اخدتى بعشر الاف جنيه ابر تنشيط كتيرك هاتطلعى بيضه واحده بس ومش كبيرة قولتله ازاى قالى لو فى ناس كتير فى حجرة وعاوزين يطلعو مرة واحد هايطلعو قولتله لا قالى مفيش مكان لبويضه تكبر اساسا عملى المنظار ولقى ايه مش هاتصدقوا لقى تكيس شديد وبطانه مهاجرة والتصاقات وانبوب مسدودوبعد العمليه قالى دول شريط للعمليه فيديووديسك للعمليه وتقرير يثبت حقك ممكن تقاضينى من خلاله مع انك هاتدعيلى وعدى شهر والتانى لقى بويضتين بعد الكلوميد والابرة التفجيريه انا حامل ومتاكدتش الا لما عملت تحليل حمل رقمى غصب عنى من الى شوفته الحمد لله اسفه طولت اوى اوى ادعولى بالله عليكم يثبتلى حملى:( 😈