مَوتَنيِ ولآآ آموتكـً ,,, خلآآصٌ آآلعبً لحالكً اآنأ متَ << يآ زين مبزرتنآآ

شخباركم عساكم بنعمه ؟

بندخل في الموزوع سيده : < تسوي يعني انها ما تحب تغثكم

مع مقدمتي الدائمه ::

نقول بصوت واحد

لا للمقدمات الماصلة
اركد وخل الطفاقة

لاتمليح تراك ابتنكب
لاتهايط ترى بتروح فيها

لاتتن فالموت أسرع
اعقل ولا تكسر لمبات خلق الله

متً ولا توكـً ؟!؟!؟!

سؤال غريب صح ؟!… 😎 .

بس لو تدقق ترى قد سمعته كثير في حياتك ……

خصوصا اذا كنت مع مبزره يلعبون بلايستيشن 😛

باااقي شوي وتمووت!!!!:D

لا تخافين ما اقصدك انتي

بس هذي بعد من كلمات مبزرتنا الموقرين الي صافين قدام البلايستيشن

زد عليها لا تموتني ولا ترى بأموتك
خلاص العب لحالك انا مت !! 😆 idea:

ما لاحظتو شي لفظه الموت واستسالها لدرجه افقدت هالكلمه هيبتها
الأطفال يرددون هالكلمه في كل وقت بدون مبالاه الموت سار لفظه ( بلايستيشينيه ) << الي فيه خير يقراهالكلمه ههههه

ما عاد الواحد يحس برهبه ولا يتعوذ منه ومن طاريه مثل ما كان قبل

نشرات الأخبار كلها مآآآت …. قتل … توفي ….مصرع
لدرجه اني احس انه باقي شوي ويقضون الناس <<عليك تفكير

يعني خلاص مليناااا نبي يوم يمر من دون ما نسمع هالكلمه يوووم واحد بس ما طلبت شي كثيير <<يقالك الحين عاقله

والمشكله انها ما وقفت عـ( البلايستيشن) ونشرات الأخبار وبس فيه اكثر من مصدر ومصدر يجيبون لك هالطاري عشر مرات باليوم

يعني خل نفترض ان مبزرتنا قرروا يقاطعون البلايستيشن وصاروا يقضون وقتهم بالتزلج على الجليد 😛
ويصير كل بزر لما يقول له احد تعال نلعب بلايستيشن يقول لا وش رايك نروح نشرب حليب علشان تتقوى اجسامنا 😉
وبعدها نروح نذاكر في هالصيفيه علشان الأمتحانات على الأبواب << 😆

وخلونا نفترض ان الجيوش الحربيه والجماعات الأرهابيه قرروا يوقفون القتل وحسوا مالهم داعي وزودوها بالقتل وان ماله داعي تنقلب السالفه جد 😀

وتوهقوا حقين نشرات الأخبار وصار ما عندهم اخبار ولا سواليف ولا هذره ولا شي ويجلس المذيع باحلن بنفسه ما يدري وش يقول ومن زود الفضاوه يجلس يطالع بالمذيعه ثم يقول والله عليك مكياج يحوم التسبد بعد مدري وش مصبرني اقدم اخبار طول هالسنين معك 😆 hy:

وتجي المذيعه تطالعه وتقول الحين ذا الي بوجهك سكسوكه ولا براده حديد متجمعه يا الشين

ويجي بعدها المقدم البرنامج الحواري ويجمع الضيوف علشان يتحاورون حول قضيه الأقتتال الطائفي بس في اخر يكتشف المذيع ان ما صار فيه اقتتال طائفي ولا شي فيتوهق بالبرنامج والضيوف وش يسوي بهم ؟؟
عاد اخر شي من الفضاوه يلعبون تلفونك خربان 😆 🙄

<< على طاري الاقتتال الطائفي … تصدقون الي فتره قريبه كنت احسب ان الاقتتال الطائفي هي عمليات القتل بالطايف 😐 >>

المهم تخيلوا لو صار هذا كله ولا عاد صرنا نسمع طاري … مت.. ابموت…مات ..انصرع.. الخ هل تتوقعون اننا بنوصل لنتيجه ؟؟ لا طبعا !!

لان اول ما تحط على قناة خليجية راح يجيك صوت مدوي يهز اركان البيت يصرخ:

مـــــــــــــــــــــــــــآآآآآآ:)

وتستغرب انت من هاللي صرخ وقال هالكلمه ويجون البزارين يحلفون لك انهم ما قالوها … ومذيعين نشرات الأخبار يتبرأون من هالكلمه وانهم ما قالوها .. ويجيك رئيس الجماعات المسلحه ويحلف ويقسم ان مالهم دخل باليمات ويجلس يحلف ويحلف ويلحس اصبعه ويشخط على رقبته علشان يثبت لك انه صادق 😛

وبعد هذا كله تكتشف ان هالكلمه مصدرها مسلسل خليجي 💡

بعدها اكيد بيروح الاستغراب
ليه ؟؟
لان المسلسل عندنا ما يعتبر مسلسل الا لما يموت فيه خمسه سته اقل شي 💡

يعني من جد الموت في مسلسلاتنا حاجه اساسيه ما يكتمل المسلسل الا بها احس ان كاتب النص يفكربالممثلين كيف يموتهم قبل ما يفكر بقصه المسلسل 😳

واحس ان المخرج تجيه حاله نفسيه لا اكتشف ان فيه واحد يمثل من الحلقه الأولى ووصل للحلقه الأخيره ولا بعد مات ويجلس يحوس ويدوس كيف يموته بالغصب حتى لو ما امداه يلفق له قصه تموته لضيق الوقت … فبتلقاه يكتب في اخر الحلقه ,,, تراه مات بعدين 🙁

ووصل فيهم الأحتراف لدرجه انه ممكن الواحد منهم ينزل كتاب بعنوان (( كيف تموت الممثلين بسبع حلقات !! ))

الكل يعتقد ان عادل امام كان يستهبل وينكت لما كان يقول سالفه ( ثم ماتت رابعه ) وخلى كل الممثلين يموتون واتبعها بموت المخرج والمنتج ولما عرضوه في التلفزيون مات المشاهدون جميعا 😆 hy: لا طبعا ما كان يستهبل لانه كان يتكلم عن مسلسلاتنا

ولو اني الوم عادل امام لانه نسي ان الفن المصري هو الي رسخ فينا ثقافه الموت هذي لان اول ما بدا التعاون الخليجي المصري في المسلسلات كانوا يعطون الممثل الخليجي دور الاب المتوفي ومعلقه صورته بالصاله 😳

فبدات شوي شويتوصلنا هالثقافه ودخلت خفيه عبر الحجاز الى ان فجرها محمد حمزه رسميا مطلقا صيحته الشهيره ..نجوىىى 😛

الى ان صار كل المشاهدين يتجمعون حول مسلسلاتنا وهم يتبادلون التوقعات حول من بيموت اليوم ومن الي بيموت في الحلقه الأخيره ويحاولون يتذكرون من بقى بعد ما مات

الولد يموت بحادث سياره
والأب يموت من الصدمه
والأم تموت على شانهم ماتو
وجارهم يموت عشانه كان يتشمت يوم مات ولدهم
وولد عمهم يموت على شان خسر فلوسه
وخالهم يموت على شان كان مشارك ولد عمهم بالفلوس
وعمتهم تموت لانها تطلقت
وجدهم يموت لانه كبر وصار لازم يموت
وصديق ولدهم يموت كذا عباطه 😀

خلاصه الحكي ان استسهال لفظه الموت وماعادت بكيفنا
واذا كثر الامساس قل الاحساس

يعني ليه نلوم اطفالنا على ترديد هالكلام وثقافتهم اغلبها من الي يشوفونه من التفزيون فاذا كان الي مسؤليين عن ثقافتنا ما اهتمو بهالشي فمن باب اولى ان الأطفال ما يهتمون !!

عالعموم الظاهر ان استسهال لفظ الموت اثر علي انا بعد .. يعني ابيكم تعدون كم مره جبت طاري الموت في هالموضوع وطبعا صاحب الأجابه الصحيحه بتكون له جائزه من المنتدى رحله حول العالم واشتراك مجاني في ART له ولمن يعز عليه طول العمر ➡ << رمت المسؤوليه على المنتدى ههههههاي

وقبل ما اختم دعواتي لكم ولي بالصحه وطول العمر ان شاء الله واعتذر عن اي تقصير بدر مني في توصيل الفكره لان بصراحه كان عندي كثير من الأفكار عن هذا الموضوع بس ماتت 😆 🙄

هذا الموضوع من كتابتي واتمنى من الي تنقله تكتب المصدر الله يجزيها الخير

وش رايكم بس بالأسلوووب ههههههه تبطون عظم معاه