أريد مساعدتكم

أنا عضوة جديدة بينكم وللأسف إن أول مشاركاتي معكم تتكلم عن مشكلة

بس الله وحده يعلم إني ما أضطريت أكتب إلا بعد ما حسيت إنه ماعاد عندي حل إلا وسويته

أنا بنت مخطوبة من سنة وشهرين ,, وخطيبي الحمدلله إنسان متدين وخلوق ويحبني كثير

بس مشكلته إنه عصبي ويكبر الأمور دايما وما يبغاني أغلط مهما كان حجم الغلط

في البداية كان يقولي لا تسوين كذا وينبهني وكنت أحاول بأقصى جهدي إني ما أكرر الغلط

بس أوقات يصير غصب عني وأنا ما أكون قاصدة وقتها هو يعصب ويفكرني متعمدة ولما أجي أشرحله يقول إني أجادله عالغلط

ولما ما أفهم له سؤال أو أي شي وأجاوب بحسب فهمي يفكرني أستغبي عليه

من إسبوع صارت مشكلة سخيفة كثير ,, وهو كبرها الله يسامحه وللحين زعلان مني

لأني دخلت موقع كاشف للبلوك حق الماسنجر ولما درى عصب لأن الموقع يرسل أوتوماتيك بمجرد دخولك فيه لكل اللي عندك

يقول شلون تدخلين موقع ما تعرفينه وتحطين فيه ايميك والباسوورد حق الإيميل ؟

جاوبته بسببي قلتله حب إستطلاع وجد هذا هو السبب بس

بس هو عصب وصار يقول إن المفروض نفكر قبل لا نسوي أي شي ومن هالكلام

ورجع سألني نفس السؤال ,, وقتها أنا فكرته مع الكلام ككل يعني مو إنه يبغاني أرجع أجاوب عليه

وقلتله خلاص مابرجع أعيدها وآخر مره

وقتها عصب وقالي وش خص كلامك بسؤالي ؟ انا فهمته وقتها إني فكرته مع الكلام مو سؤال منفصل

ورجعت جاوبته ,, بس هو زعل وصار يقول إني أستغبي

صدقوني والله هذا اللي صار وعمري ما عصبت عليه ودايما أرضيه ما أحب اشوفه زعلان

بس هالمره طول بالزعل والأدهى إني كنت أرسله مسجات إعتذار بس هالمره لما أرسلتله

رجع رد وقال لاترجعين ترسلين مسجات ولا تتصلين وكل ما سويتي عكس هالكلام بيكون إحتمال نرجع مستحيل أكثر من الحين

وأنا تعبت والله وراسي رح ينفجر وخايفة لا يتركني لأني متعلقة فيه كثير والسبب ما يستاهل