عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم صبايا ❗
بصراحة مش عارفة لمين بدي اشكي واحكي عن اللي جواتي 😆 🙄
بس انا كتير موجوعة 😉
وقلبي بيوجعني ❗
موضوع الاطفال والحمل تاعبني 😆
ومش قادرة انسى او اشغل تفكيري بشي تاني
امبارح حبيت اغير جو رحت مع اختي وامي عند خالتي
قال عشان انسى
لقيت نسوان اولاد خالتي التلات حوامل وكل وحدة بتحكي عن حالها
واختي حاملة ابنها البيبي وبتلاعبو ومشاركيتهم الحديث
وامي وخالتي بيحكو بمواضيع للستات الكبار
وانا حسيت حالي متل الغريبة:D
وحسيت بوحدة قاتلة
وكتمت دمعتي غصب عني
والشاطرة اللي تحكيلي عقبال عندك
وشو قصتك لهلا ما في شي
وليش لهلا ما حملت 👿
طلعت روحي بجد يا بنات وكيف تحملت الموقف ما بعرف
وكيف كتمت الدمعة بعيني ما بعرف
اللي قهرني بزيادة اني حاسبة ايام الاباضة عندي والمفروض يوم الخميس يكون في شي بيني وبين زوجي 😡 وانا نبهته وحكيتلو (ثلاثاء / خميس / وسبت / واثنين ) شغل عشان الحمل يوم الثلاثاء مشينا امورنا
يوم الخميس روح من الشغل متأخر وطنشني
والجمعة طنشني
وامبارح السبت طنشني
ولما اجيت انام صرت ابكي بحرقة 😆 🙂
واحكي لحالي انو كل اللي ربنا رزقهم الاولاد احسن مني
واني ما بستاهل يكون عندي ابن او بنت
وصرت ادعي ربنا انو ينسيني موضوع الحمل والاولاد لإنو متعبني وقاهرني
طيب كيف رح انسى وانا كل ما اروح مكان بلاقي اطفال 😆 🙄
وكل ما اروح مكان حدا بيسألني عن حالتي
وانا اكبر مشكلة عندي اني بحب الاطفال كثير
شو اعمل
والله تعبت
وبكى امبارح ما ريحني
بالعكس زادني حزن ويأس وتعب
اسفة طولت عليكم
بس بجد ما في حدا اشكيلو الا انتو لإنكم حاسين بجرحي وحزني ومرضي
فشيت قلبي شوي بالحكي وشكرا الكم ولمشاركتكم حزني 😳
