عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا فيكم في صفحتي المتواضعة ..
صراحة لما شفت طبخات البنات ..رز ودجاج وحركات ..
حسيت طبقي يكسر الخاطر .. 🙁
بس ان شاء الله ينال اعجابكم …
هو تغيير عن المكرونا اللي متعودين عليها وحركة مميزة شوي ..
✸✸
`~’*¤!||!¤*‘~` المقادير `~’*¤!||!¤*‘~`
مكرونا مثل اللي في الصورة
واسمهRonzoni Manicotti
لحمة مفرومة
طماطم
فليفلة
صلصة طماطم
جبنة شرايح
ملح
بهارات
فلفل اسود
فلفل اسود
`~’*¤!||!¤*‘~` الطريقة `~’*¤!||!¤*‘~`
✸ طبعا نفس طريقة المكرونا العادية اول شي تسلقين المكرونا
✸بعدين تجهزين اللحمة المفرومة وتحمسينها مع اللي تحبين ..طماطا ،فليفلة ، بصل ، ذرة ، زيتون ، بقدونس ، جزر ، مشروم
✸ الحين تاخذين كل اسطوانة من المكرونا وتحشينها باللحمة المفرومة وتحطينها في الصينية
✸ بعد ما تخلصين تقطعين شرايح من الطماطا والفليفلة وتحطينها فوق المكرونا
✸ وتسوين صلصة الطماطا مع شوية بهارات وفلفل وملح وتخففينها بماي طبعا
وتصبينها فوق المكرونا وتدخلينها في الفرن بيكون شكلها كذا ..
✸تطلعينها من الفرن وتحطين فوقها شرايح الجبنة وهي ساخنة عشان تسيح عليها وتقدمينها وهي حارة
وهينا لقطة مقربة ..
والطعم فظيـــــــــع ..
✸✸
ان شاء الله يكون الطبق عجبكم ..
وانتظروني في اطباق ثانية باذن الله
أطيب تحية
