عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم يابنات
ان شاءالله ارتحتو شوي عقب الامتحانات
والله يوفق الجميع يارب وتكمل الفرحة بالنتايج الحلوة سواء للي تدرس او اللي عندها اخوات ولا اطفال يدرسون
المهم خلوني اقولكم على سالفة صارت لي البارح بمشغلي وضيقت صدري :”(
عندي زبونه تجيني بين فترة وفترة وماشاءالله هي من النوع اللي يستسلم لي بشكل فظيييع وكل زيارة بلوك جديد واكيد كلكم تعرفون انه لما تصلحين بنت كل فترة بتعرفين ادق التفاصيل بوجهها صح؟
هالبنت مشكلتها الوحيدة حواجبها عريضة وشعرها متيييين حيل واسوود لكن تشقر دايم وتترتب نسبيا واذا اشتغلت عليها ضبطتها بطريقتي اللي انتو خابرين
هالمره شكلها غيرررر وحواجبهااا خياااال
البنت محافظة جدااا وضد النمص ولا القص وياربي اشوف الشعر مقصوص وطايرة عيوني
واقولها ماشاءالله يافلانة وش هالتشقير الحلوو
قالت ايه هالمره سويته عند المشغل الفلاني
واجي المس الحاجب ابي اتأكد
واشوف الشعر رايح ويادووب شعر خفيييييييييييف
قلت لها انتي قلتي لهم يقصونه…!!
قالت لا ان شاءالله 😉
بس هي قالت لي عندي ماده تطفي الشعر 😆 🙄
احنا يالكوافيرات نعرف وش اللي يطفي ووش اللي يزيل الشعر لكن الزباين على النية
قلت لها ياشيخه الشعر رايح
انتبهي مره ثانية ..!!
فأقول لصاحبات المشاغل اتقو الله ولا تلعبون على الزباين وتغصبونهم على الحرام عشان تتميزون بشغلكم
وطبعا اوقات صاحبة المشغل تكون على النية والكوافيرات هم اللي يحوسون الدعوى عشان يكونون زباين لذلك فتحي عينك ياصاحبة المشغل زين وهدديهم وبذمتهم
اللهم ارضني بحلالك عن حرامك وارزقني من فضلك ولا تجعل الدنيا اكبر همي ياحي ياقيوم
حبيت انصحكم والله يوفق الجميع ..
