عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أخواتي العزيزات هذا أول موضوع لي بالمنتدى وأنا أخترت هذا الموضوع بالذات لأني أعشق الشعر
بس الصراحه مو أي قصيده تعجبني يعني أحب اللي لها معنى واضح ولها مغزى .. عشان كذا أخترت
لكم هالقصيده بالذات لأني أعتبرها من أجمل ماقرأت لأنها تحمل بين سطورها معاني جميله للغاايه
ماأحب أطول عليكم كثير .. أتمنى أن القصيده تعجبكم زي ماعجبتني
الام ماتت والقصيده سلمها الدكتور للولد وهو يستلم الجثة
هذه قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجتة التي رفضت العيش مع أمة !!! وتمر ثلاث
سنوات ولم ترى فلذة كبدها ولو مرة واااحدة فكتبت هذة القصيدة
يامسندي قلبي على الدوم يطريك ×× ماغبت عن عيني وطيفك سمايا
هذي ثلاث سنين والعين تبكيــك ×× ماشفت زولك زايرآ يا ضنايا
تذكر حياتي يوم أشيلك وأداريك ×× والاعبك دايم وتمشي ورايا
ترقد على صوتي وحضني يدفيك ×× ماغيرك أحدآ ساكنن في حشايا
وليا مرضت أسهر بقربك وداريك ×× ماذوق طعم النوم صبح ومسايا
ياما عطيتك من حناني وبعطيك ×× تكــبر وتكــبر بالامل يا مـنايا
لكن خسارة بعتني اليوم وشفيك ×× وأخلصت للزوجة وأنا لي شقايا
أنا أدري أنها قاسية ما تخليك ×× قالت عجوزك وما أبيها معايا
خليتني وسط المصحة وأنا أرجيك ×× هذا جزا المعروف وهذا جزايا
ياليتني خــدااامةً بين أياديك ×× من شأن أشوفك كل يوم برضايا
مشكور ياوليدي وتشكر مساعيك ×× وأدعي لك الله دايمآ بالهدايا
حمدان يا حمدان أمك توصيك ×× أخاف ماتلحق تشوف الوصايا
أوصيت دكتور المصحة بيعطيك ×× رسالتي وحروفها من بكايا
وأن مت لاتبخل علي بدعاويك ×× وأطلب لي الغفران وهذا رجايا
وأمطر ترااب القبر بدموع عينيك ×× ما عاد ينفعك الندم والنعايا
منقوول 😆
