–{.. حيآكم على سفرة ميشو شو الرمضآنية ..}–

السلام عليكم ورحمة الله وبركاته
صباح الخير لعنونكم الحلوة
لي فتره ما نزلت موضوع في المدبخ
عاد رمضان جانا وعطانا ها الفرصة
قلت اليوم انزل لكم أشياء خفيفة وسهلة
أغلبها من إبتكاري وطعمها ماراح أقول وأحكي بس متأكده إنها رآح تعجبكم
نروح دايركت للمقادير والطريقة لكل طبق
بسم الله وعلى بركة الله 👿

➡

شعيرية بالخضار
إبتكاري

المقادير
شعيرية بيتوني
صدور دجاج مقطع قطع صغيره
خضار مشكل
بصل + 3 فصوص ثوم + فلفل حار
ملح + بهارات + مكعب ماجي
قليل من الزيت

الطريقة
نحمر البصل في شوية زيت ونضيف عليهم
الثوم والفلفل والزنجبيل مع التقليب ثم نضيف الدجاج
ونقلبهم شوي الين يسير لون الدجاج أبيض
نضيف الماجي واليهارات والملح ..
وبعدها نضيف الخضار المشكله ونقلبهم شوي مع بعض
نضيف الشعيرية بعد تكسيرها ونفردها على الخلطه
بدون تقليب ونضيف الموية ونغطي عليهم زين ونرخي النار
يمكن تاخذ معنا من 10 دقايق إلى ربع ساعه
الين تجف الموية ..
نحطها في طيق التقديم
وهني وعافية على قلوبكم

إدام دجاج بالكاري (( هندي ))
إبتكاري

المقادير
صدور دجاج مقطع قطع صغيره
بطاطس + فلفل رومي + جزر
كل ها الخضار مقطعه إلى قطع صغيره
البهارات الصحيحه عباره عن
ورق الغار + فلفل أسود + قرنفل + قرفه + كمون
بهارات الكاري الحار
بصل + طماطم + ثوم + زنجبيل طازج + فلفل حار مقطع قطع صغيره + كزبرة + ورقتين نعناع
3 علب لبن زبادي كبيره
قليل زيت

الطريقة

نحمر البصل مع الثوم والزنجبيل ونضيف عليهم الفلفل الحار ويتشوحون زين
بعدها نضيف البهارات الصحيحة كلها ونقلبهم الين تطلع الريحه الزينه
نضيف الدجاج والنعناع ونقلبهم الين يسير الدجاج ابيض
نضيف الطماطم مع الخضار ونقلبهم زين
نبهرها ببهارات الكاري حوالي ملعقتين أو ثلاث ملاعق انا اضيف 4 ملاعق
منها نكهه ومنها حرارة
الحين نضيف اللبن ونقلبهم مع بعض ونغطي تحت الطاوه ونخليهم يطبخون إلين يستون
عند التقديم نضيف الكزبره ونحركها قبل وضععها في الطبق
وهني وعافيه على قلوبكم

سمبوسة لحم
على طريقتي

المقادير
سمبوستي مو مدح فيني بس حتى أنا انجن عندها
مو بس اللي حواليني ..
وعشان تطلعين بنكهه زينه لسمبوستك إتبعي طريقتي مضبوط

المقادير
رقاق سمبوسة ومو أي رقاق
أنا أفضل اللي تجي بالكيلوا وشغل بيت مو اللي تجيك قاسيه
كيلوا لحم بقر مفروم بدون إضافات
حزمة صغيرة كزبره
3 حبات بصل كبير
3 ثوم
4 أو 5 حسب ذوقك فلفل حار
بهارات
حزمه شبت
مكعبين ماجي

الطريقه
في خلاط اللحم نضيف اللحمه المفرومه
حبة بصل كبيرة
الثوم والفلفل الحار والماجي والبهارات والكزبره
ونفرمهم كويس
نقطع البصلتين الباقيه قطع صغيره ونشوحهم في قليل زيت
الين يلين البصل مو يتحمر
نضيف اللحمه المفرومه ونطبخها زين مع البصل يمكن تحتاجين ملح
طبعا ما يحتاج مويه مويتها منها وفيها
لما تجهز اللحمه وتنشف من المويه نضيف لها الشبت
نقلبهم شوي على النار وننزلها
ونحشي فيها الرقاق
وهني وعافيه على قلوبكم

فطير مشلتت باللحمه
إبتكآري

المقادير
فطير مشلتت السنبله
لحم مفروم
سمنة
جزره مسلوقه + فلفل رومي + كزبره
بصل + ثوم + فلفل حار + بهارات + زنجبيل طازه
جبنة موازريلا
مكعب ماجي + ملح

الطريقه
نبطخ اللحمه بـ/.. تشويح البصل مع الثوم والفلفل والزنجبيل في ملعقتين سمنة فارم
أو أي سمنه او ممكن زيت بس أفضلها بالسمنه
نضيف اللحمه مع الكزبره والماجي والبهارات ونطبخهم زين
نضيف الجزر مع الفلفل الرومي ونخليهم يطبخون الين يستون
نجيب الصينيه ونحط طبقتين أو ثلاث جنب بعض من الفطير المشلتت
ونحط خلطة اللحمه عليها .. ونرشها بجبنة موزريلا
ونغطيها بطبقتين او ثلاث من الفطير
لازم تتاكدي من تغطيتها كويس عشان لا تطلع اللحمه خارج الفطير
ونحط الصينيه داخل الفرن مدة 10 دقايق أو ربع ساعه تقريبا
من فوق ومن تحت ..
ولما تطلع من الفرن إذا حابه ممكن تحطي عليهم سمن
أو من غير إنت وذوقك
وهني وعافيه على قلوبكم

حلى سميته الرخام
على طريقة ضي العين
الله يجزاها الخير

المقادير
كيك شوكولاتة جاهز
6 حبات بسكويت أولكر محشي شوكولاتة
2 قشطة
3 ظرف دريم ويب
2 كريم كارميل
4 حبات جبن كيري
مقادير الكريمة
1 ظرف كريم كارميل + كاس ماء + 3 ملاعق طعام حليب بودرة

الطريقة
يفتت الكيك باليد ثم يوضع بصينية ذو قاع متحرك
مع الضغط
يفتت البسكويت الى كسر صغيرة جداً ثم توضع على طبقة البسكويت مع الضغط الخفيف
ضعي كاس الماء على النار مع الحليب والكريمة الى أن تغلي ثم تسكب فوق الكيك والبسكويت وتترك جانباً الى أن تبرد
ضعي الدريم ويب والكريمة والقشطة والكيري في زبدية و أخفقيها جيداً الى
أن تصبح كريمة ثقيله
صبي الكريمة على طبقة الكيك وساوي الوجة بالملعقة
زيني الوجة بشوكولاتة هيرشي
تدخل الثلاجة لمدة 5 ساعات