زوجي هلكني و الناس ما رحمتني

كيفكم فراشات؟؟ ان شاء الله بخير

كل عام و انتم بخير على رمضان و الله يعيننا على صيامه و قيامه

حبيباتي انا داخلة على الله ثم عليكم تدلوني على الطريقة اللي اعالج فيها مشكلتي اللي تاااعبتني
انا متزوجة من سنة و شوية و من يوم ما اخذت زوجي و هو نحيف او بمعنى اصح عنده القولون فكل ماله بينحف يعني اول ما ملكت عليه كان 70 تقريبا و لمن اتزوجنا كان 61 و جزاه الله خير زاد الين 63 او 62.5 و سافرنا و لمن رجعنا اتفاجات انه وزنه وصل لل 58 لانه ما ياااكل مع انه الصلاة عالنبي امه و اخواته مليانيين ما شاء الله ( قولو ما شاء الله )

و الناس ما بترحم اللي تجي و تقولي من الهم و التفكير نحف و اللي ترميي كلام زي السم و تقولي لانه مو مبسوط و مهو مرتاح بحياته عشان كدا نحفان و اللي تقولي صاير زي العجوز و اخرتها تجيني وحدة تقولي زوجك اصغر منك ؟؟؟ نعم ؟؟؟ سلامات !!! محد عايش معايا الاانا و هو و قبلنا رب العباد و والله مو مدحا في نفسي لكن احنا و لله الحمد مرتاااحييين و اي بيت لازم يكون فيه مشاكل لكن مو لدي الدرجة اللي ضخموها

جبتله الحلبة و الصلا عالنبي ميز طعمها و الان بفكر استخدم جوزة الطيب بس قريت انها حرم و مني عارفة ايش اسوي الله يفرج همك في رمضان الكريم دا انكم تفرجولي همي