عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا
أخباركم . . إن شاء الله بخير وعافيه
اليوم طرى لي أسوي الغدا
قلت يلا يارهومه تفنني . . وفعلاً تفننت بطبقين 😆 🙄
الطبق الرئيسي :
صينية دجاج بالصلصه البيضا
والطبق الثانوي :
سلطة المكرونه بالـ هات دوغ
والحمد لله . . الطعم حلووو جداً فـ كان الغدا جميل شكلاً ومضموناً
وحبيت أفيدكم . . وأحط إبداعي هنا
جربوا وأحكموا بإنفسكم 😆 idea:
صينية الدجاج بالصلصه البيضا
المقادير :
دجاج مقطع مربعات + بصل + ثوم + زنجبيل + جزر مبشور + كزبره
الطريقه :
_ نحط الزيت عالنار ونضيف له البصل نخليه لين يصير ذهبي شوي ونضيف عليه الزنجبيل المفروم والثوم المفروم ونحط البهارات فلفل اسود / قرفه / قرنفل / هيل / مكعب ماجي / شووي كاري ( على حسب الرغبه ) بعد كذا نضيف الدجاج ونحركه ونضيف عليه الجزر المبشور والكزبره ونخلي الدجاج على نار هاديه لين يستوي . .
_ بهالوقت نغلي الرز ونضيف له شوي ملح وزيت ونخليه يستوي نص استواء بعدها ونجيب بيالة شاهي نحط فيها موويه مذوبين فيها مكعب ماجي وشووي كركم نضيف موية الماجي مع الكركم بعد ما يخلص الرز لإضافة اللون والنكهه بسس
_ الحين اللي علينا نجهز الصوص اللي هو عباره عن زبادي و مايونيز وشوي كزبره نحط الرز بـ صينيه يصير بالأول طبقة الرز بعدها الدجاج بعدها رز بالنهايه الصوص
وهذا شكلها النهائي
سلطة المكرونا بـ الهات دوغ
المقادير :
مكرونا + هات دوغ + جرجير + طماطم + سماق + خل + زبادي + مايونيز + طحينيه + ملعقة كاتشب
الطريقه :
_ نسلق المكرونا مع مكعب ماجي وشوي زيت لين تستوي
_ نضيفها لـ الطماطم والجرجير اللي مجهزينها ومقطعينهاا
_ نضيف لها الصوص اللي هي عباره عن زبادي + مايونيز + طحينيه + رشة زعتر + رشة ملح + فلفل أسود . . وأخيراً السماق لـ الزينه والطعم الأجمل
و خلصنا
بالعافيه على قلوبكم
ولا تنسوني من الدعاء
