عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مشكلتي اني كثير طيبه ومع اني طيبه ماحد يقدرني ولا حد يحبني ول
ا حد يهتم اذا انا زعلت او رضيت
تخيلو عايشه في البيت كأني عايشه بروحي انا عندي اختين وعلى كثر مايتهاوشون يجلسون يوم يومين ويتصالحون اما انا لو زعلت مني وحده تقعد بالشهور ماتكلمني مع اني ماقصر معاهم لا الي اصغر مني ولا الي اكبر مني
كلهم احبهم واساعدهم واعطيهم ووالله ساعات ابخل على نفسي وما ابخل عليهم مره اختي الصغيره تعاقبت عن النت وكنت اخليها كل يوم تجلس على جهازي لما كان احد يزعلها كنت اجيب لها الاكل
واجلس معاها واقولها ماتزعل وهي اللحين لما شافت ماحد يكلمني صارت ماتكلمني تستانس مره اذا شافتني بروحي وماعندي احد اكلمه احس اني ذابحه لها احد ع الكره الي تكرهني بيه واليوم انا جالسه لحالي وراحت طلبت لبنت عمي ولها من المطعم وانا كاني قطو ولا احد طالع فيني
اما اختي الكبيره هذي حكياتها حكايه والله بس تجيني عيديه او شي وتصير هي تبي تشتري شي اروح اعطيها اياهم وربي بدون حتى مافكر لما احد يتكلم عنها اتهاوش معاه واقوله لا هي ماغلطت وهي مسكينه وكذا دائما لما تحتاج اساعدها شريت شنطه واخذتها هي تداوم فيها الجامعه وماقلت لها شي اسمع كلامها اكثر من ما اسمع كلام امي واطيعها بكل شي واحاول مازعلها والحين ماتكلمني بس لاني اخذت كيستي من عندها وكلمتها بأدب قلت لها ابي الكيسه قامت عصبت وللحين ماتكلمني
ولما رحنا العرس زبطت لاختي الصغيره ميك اب وانا ولاحتى طالعت في وجهي يعني ليه هالحقد وانا وربي بحياتي ماكرهت وحده فيهم اختي الصغيره مع انها الحين ماتكلمني لكني لما صرنا بنطلع وهيا نايمه ماخليتها رحت قلت لهم صحوها حرام كلهم قالو خلوها نايمه بس نزلت عندها وصحيتها لانها كسرت خاطري ماكنت ابيها تقعد بروحها
واحنا نطلع وكانت جزاتي انها ولا حتى طالعت في وجهي ولا شكرتني وراحت جلست مع بنت عمتي بروحهم وانا لحالي حتى بطريق السفر اعطيتها اي بودي تسمع فيه لان ماعندها ولانها جالسه لحالها وماقعد تسولف
اما بنت عمي الي اليوم انصدمت منها احنا مره صديقات ولما تطلبني مني شي ماردها ابدا ولا اقولها لا واليوم تهاوشت معاها لاني صارلي ساعه ابيها تدخل معاي المحل وهي تتركني وتطلع وهي رحت فريت معاها كل المحلات عشان ادور لها شنطه ومع انها هوشه عاديه رجعت هي كمان انضمت لحزب اخواتي حزب المقاطعه وصارت ماتكلمني
انا بس ابي اعرف وش سويت بدنيتي انا مره طيبه وقلبي ابيض وربي لو الواحد يجرحني اليوم ويجي بكره يطلبني اساعده ماقوله لا وقسم ما ابالغ ولا اقول كذا مدح اقوله لاني مصدومه مصدومه بصديقاتي وبعائلتي ومالي احد بهالدنيا غير امي عسى ربي مايحرمني اياها هي الوحيده الي سألت فيني هي الوحيده الي ماقصرت بحقي واعطتني ومابخلت علي عسى ربي يقدرني وافرحها واسعدها
والله جالسه اكتب لكم ودموعي على اللاب توب مادري انا شسويت مو كافي اني في مدرسه مو مرتاحه فيها لا اصديقات لا اهل لا اخوات شسوي بس !! والي قاهرني اني ماغلطت معاهم بالعكس !!!
احذري هذا الحجاب لعبة حلوة للبنات دردشة بنات
تابعي جديد مواضيع تحت العشرين على بريدك للاشتراك انقري هنا
