نزيف الدورة الشهرية معآنآتي من أيآم المتوسط

السلم عليكم ورحمة الله وبركاته

..

أنآ عندي مشكلة في الدورة والله أحياناً من شد المغثـــه أقول لأمي أبي أستأصلهآآ مو لآزم أعرس ولآ أحمل ولا شي

مشكلتي إنه الدورة تستمر لوقت طويل عآدي تكون شهر ونزول الدم فيها مختلف
أحياناً يكون خفيف أحياناً نزيييف مو طبيعي لدرجة إنه تنزل مع الدم قطع كبيره من الدم أظن تسمى قطع دم متجلط

يابنات أنا عمري 17 سنة .. وأعـــآني من هذا الشيء من أيآم المتوسط
والله أحياناً تجيني أياام أتمنى فيهــآ الموت
الألم مو قوي بالنسبه لغيري لكن النزيف مو طبيعي
صار لي بسبب النزيف فقر دم حآد .. وعآلجته مدة 3 أشهر
رحت أعالج الدورة أكثر من مره وكلهآ يعطوني حبوب ( حديد ) و حبوب منظمه لها
إذا نظمتها مدة 3 شهور مع الحبوب .. بعدها تجلس شهرين منتظمه ، وبعدين تجلس 4 شهور ماتجيني ولا شي ينزل وبعدين ترجع متلخبطه وحوسه ،، صرت أعيد العلاج كل ماتلخبطت
بس تعبت منها وخاصة سمعت من بعض البنات إن كثرة استعمالها يسبب عقم
العطله الصيفيه الي فاتت جلست فيها كلها بدون دورة حتى نهاية شوال ..
بعدها رجعت بدون انتظام ، انا بصراحة قلت كيفها تنتظم مع الوقت
لكن الحين رجعت لي أيام اأول صار النزيف مو طبيعي وقطع الدم المتجلط مصاحبه له
مابي أروح لدكتوره لاني عارفه بتعطيني حبوب منظمه

..

الدورة تنزل علي بهالفتره واليوم اشتدت علي بالمدرسة والله بغيت أصيح من القهر
اليوم لها 19 يوم من نزولها .. طبعاً خلاص صرت أصلي لأن الوقت الي مااصلي فيه انتهى

ياعااالم تكفون ابي احد يسااعدني والله وانا اكتب لكم اصيح قهر على حالي خلاص مليت بجد
الي تقدر تساعدني تعطيني حل يابنات ربي يوفقكم وين ماكنتم ويحقق آمالكم ..

..