عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ،
انا عضوة جديده هون ارجو منكم تتقبلوني بينكم اخت وصديقه
يا بنات انا ما لجأت الكم الا لاني محتاجه الحل الله يوفقكم ويهديكم يا رب
قصتي طويله / امانة عليكم تقروها للنهايه امانه
يا بنات انا بنت عمري 23 سنة تقريبا
محجبة وملتزمة واعرف ربنا ولله الحمد والمنة
تخرجت من المدرسه واشتغلت وانا عمري اقل من 19 سنة
اثناء شغلي اعرفت على شاب قمة في الاخلاق اتعرفنا فترة
وكنا نحكي على الايميل ونعرف اخبار بعض ،،،
المهم الشاب ارسل والدته عنا على البيت لطلب الزواج
ومن هون حصلت المشكله اللي لا زلت اعاني منها الى الان انا والشاب
المهم ارسل اهله عنا وكانوا محترمين جدا وعلى درجة من الدين
وسألت عني وعن الاهل وعرفت نحنا من اي بلد في فلسطين وكانت مبسوطه
المهم، انتهت الزياره وانا كنت في قمة سعادتي لانه حكيت اكيد اليوم كان بداية
مشروع ارتباطي بهذا الشاب
لكن شاءت الاقدار ان اهل الشاب يرفضوا هذا النسب لانه كان في مشكله صغيره
وبسيطه وهي ، انه في شخص من اقربائه كان قد طلب الارتباط بفتاة من اقربائي منذ اكثر من
6 سنوات ولم يتم الموضوع سوى انه صارت بس فاتحه وبعدها لم يتم الاتفاق على شئ وحصلت مشاكل بينهم لعدة اسباب وانتهى الموضوع على ذلك وكلا ذهب في طريقه
المهم اهل الشاب الذي طلب الارتباط بي رفضوا بسبب موضوع اقربائنا
كانت زيارة اهله لبيتنا منذ 3 سنوات والى غاية اليوم وانا على رغبة به وهو كذلك
واتمنى ان يجمعني الله به وانا يجعله من نصيبي
بس المشكله اللي اريد الها حل يا بنات هي بدي حل لرفض والده
ما خلينا طريقه ولا حل الا ومشينا فيه الشب كلم اكتر من حدا في عائلته عشان يقنعوا والده
بس ما حدا طلع بنتيجهوالده رافض الموضوع وبشده ،،،
لكن انا واهلي مش رافضين ،
المشكله بس في والد الشاب صعب جدا جدا
والشاب يحاول ويحاول الى هذه اللحظة
ولكن بدون نتيجة،،،، وانا ارفض جميع الاشخاص اللي بتقدمولي
لاني ما بدي الا هو
وهو نفس الشئ اهله عرضوا عليه الزواج ولكن لا يسمع منهم لانه يريدني
مش عارفين شو بدنا نسوي والقصه صارلها 4 سنوات ولسه ما انتهت على الشئ اللي يفرحنا
ويجبر خاطرنا،،،والده رافض اما بقية العائله موافقين وامه موافقه على العلم انهم بعرفوا اني انا واهلي جماعه محترمين وعلى دين والتزام بس الرفض عشان قصة اقربائنا يا جماعه
بدنا حل الله يخليكم احنا رايدين بعض ومستحيل اتجوز غيره وهو كمان نفس الاشي
بدنا حل من غير ان نغضب الاهل بدنا كل اشي بالرضا يصير شو رأيكم الله يخليكم
شو نسوي ؟ مشان الله
4 سنين هدول من عمرنا ساعدونا الله يخليكم
حاولنا انه نهرب ونتجوز من غير علم الاهل
بس هذه القصه رح تعقد الموضوع اكتر
حاول انه يتقدملي من غير اهله
بس انا رفضت لانه خفت اهلي يرفضوه من غير اهله
مشان الله يا بنات اللي مرت عليها هيك قصه او صار معها اشي هيك تحكيلنا شو الحل
امانه عليكم
وانا انتظر حلولكم
وارجو المعذرة على الاطاله لكن حاولت اكتب القصه كامله عشان تعرفوا الوضع كامل
في امان الله
