عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مهمومه ومخنوقه..ليش كل اللي اعرفهم تزوجو..ليه انا الوحيده من صاحباتي لسه ماتزوجت..متى بصير ام؟؟متى بلقى القلب الدافئ يحتظني وقت الضيق؟؟من يمسح دموعي وقت ماتنزل دموعي..من بيشاركني حياتي؟؟؟
دخلت المدرسه…الكليه..الجامعه..توظفت وبعدين؟؟؟؟
اخلاقي حلوه..طيوبه..جميله..حنونه..وش ناقصني ؟؟فلانه وعلانه مو اجمل مني ومن اقول قالو لي ماعندش حظ او مالك نصيب طيب ليش؟؟
وش ذنبي انا بموضوع الحظ والنصيب تعبت من نظرة اهلي..الجيران ..الاصحاب..من نروح زياره او زواج او حفله قالو ماشاء الله ياحظ من بياخدها واني للحين مااحد دق باب بيتنا طيب ليش؟؟؟؟
من واقف بطريقي…اهلي يقولون صغيره الى متى 21سنه بس مخنوووووووووقه وغيري 25 سنه وبعضنا وصل 30 طيب الى متى مو حراااااااااااام؟؟؟؟
حاولت اغير جو..اسلي نفسي اشغل حالي بالشغل..بالطلعه..بامور واجد بس تعبت الزواج ماخذ كل تفكيري..اني مو سلبيه بالحياه بالعكس الحمد لله متخرجه وفاهمه وواعيه للحياه ولكن بكل صراحه وبدون خجل كل انثى فينا تحتاج لرجال بحياتها لامور واجد واولها المشاعر ولااحد يقول الاهل..
اهلنا عطونا حب..حنان..عاطفه..فلوس..سفر..علمونا…تخرجنا..سوينا كل شئ بس للحين نحس انا نبي نتزوج…الزواج حياه رائعه تكوين اسره شئ رائع..عاطفة الامومه شعور ولا اروع ..مليت من الاحلام..الى متى؟؟؟
من هاللحظه رح ابدا استغفر ربي واح بالدعاء بنية الزواج والستر يارب واتمنى كل من لها نفس معاناتي تشاركني يوميا كل يوم نجي ونقول كم مره استغفرنا..كم مره الحينا بالدعاء..نحاول ندعي ونخفف هموم بعضنا..واتمنى يفتح لنا مجال نطلع الحره اللي بقلبنا
بنات اني عارفه غيري مئات..الوف البنات مثلي واحتمال وضعهم اصعب مني بكثير فخلونا من هاللحظه نتكاتف ونبدا من الان بالاستغفار والدعاء واتمنى المشرفات يخلون لنا هالموضوع عشان نجي ونسوف لبعض كم مره استغفرنا..كم مره دعينا
والله محتاجين نفضفض هالحره اللي بقلوبنا والله مخنوقين والدنيا سوداء ..نضحك ونبتسم بس قلوبنا حسره..عطونا امل..وخلونا نشوف الدنيا ملونه ..خلونا نتفائل والله يجعل بداية رزقنا من هالتجمع يارب
ويارب ياقادر ياكريم ترزقني بالزوج اللي اتمناه وترزق كل بنت بالزوج الصالح التقي النقي وترزق كل من دعت لنا وتمنت لنا الخير بما تتمنى
كتبت كثير بس والله من اللي بقلبي ولاني حاسه حالي مخنووووووووووقه وتعبانه من هاوضع كل عيد اقول اسينه الجايه بتزوج..كل صيف اقول اللي بعده..كل رمضان اللي بعده وبعدين لمتى؟؟؟؟
الله يرفع حظي وحظ البنات ويعجل بزواجنا وسترنا يارب على ازواج اتقياء صالحين ياقادر ياكريم
