تكفوون تعالوا انصحوني شاسوي مقهوره ؟؟؟

السلام عليكم
شخباركم انشالله كلكم بخير ومتوفقين يارب
واللي يعافيكم انا ماعندي احد اشكيله وعندي مشكله مع زوجي مادري بالنسبه لي مشكله بس انا توي متزوجه وماعندي خبره بالزواج وابي اللي عندها خبره بهالسوالف وبالزواج عموما تفيدني …

أنا صارلي سبع أشهر متزوجه ومن 10 أيام بالضبط بدأت هالمشكله بدايتها تهاوشت مع زوجي هوشه عاديه بس زعل علي وخذا مخده وكنبل من الكبت وراح للغرفه الثانيه ونام فيها ومن بكره راضيته وكل شيء أوكيه بس لما بغينا ننام خذا الكنبل وراح للغرفه الثانيه أنا مت قهر وقلت ليش رايح الغرفه الثانيه قال ابي انام قلت وليش انشالله شايفني مجروبه قال والله ظهري يعورني وارتاح بالنومه على الارض وقلت ليش ماتنام بغرفة النوم بس على الارض قال انتي حاطه كراسي وطاوله مافيه مكان قلت لا عادي اشيلهم وراح للغرفه الثانيه وسكر الباب ونام بكل برود وانا شبيت نااار من القهر ورحتله وفتحت الباب والا منسدح على الارض قلتله اذا هالنومه عاجبتك بلغني علشان ما اشيل الكنبل والمخده كل يوم واتعبك لأن الظاهر ان الفجوه اللي بيننا كل مالها تزود وصكيت الباب بعصبيه ورحت وهو ولا همه نام ولما قعدنا من بكره الصبح وقام لصلاة الجمعه (( الجمعه اللي طافت )) وقلت ودني لهلي (( كزياره اسبوعيه )) ورحت لهلي ونمت عندهم ولما رجعت وجت حزة النومه خذا الكنبل والمخده وشال الكراسي ونام على الارض وقلت ليش تنام على الارض قال مرتاح وعصبت وقعدت اتحلطم عليه وهو معطيني ظهره نايم وقلت شمعنى الحين عورك ظهرك ماعمرك اشتكيت من السرير وبعدين انت ماتنام على ظهرك علشان يعور ظهرك الفراش كله نايم على جنب او على بطنك قال والله تعافى ظهري بعد مانمت على الارض قلت يعني الحين مايعورك ظهرك قال لا قلت خلاص مادامه مايعورك قم نام على السرير يعني حنا ناس متزوجين وحنا صارلنا فوق ال10 ايام كل واحد نايم بروح او عجبتك نومتك لحالك وحداني وشكلك تعودت عليها والناس يقولون لو ان الزوجين يبتعدون عن بعض يوم او يومين يزيد شوقهم لبعض انت بالعكس نمت بروحك ورحت لهلي ورجعت و لالحين تنام بروحك ومستانس على هالنومه ولا هميتك عصب علي وقال وكل يوم بنام هنيه وقلت ليمتى قال طول العمر انزين وعطاني ظهره ونام ودموعي طلعو من القهر بس هو مايدري ماقدرت انام اقوله انا حنيت لك انت ماتحن وهو ولا يرد… واللي يزود قهري انا الحين عند هلي وناويه انام عندهم توه الحين داق علي يقول انا ميت تعب لانه من قومته الصبح مانام ويقول ميت تعب ابنام وقلت وينك انت الحين قال انا على السرير ابنام قلت لا يعني يوم صرت مو عندك قلت ابنام قال لا والله دايخ مالي خلق اروح للكبت واخذ الكنبل وافرش على الارض بس جيت وانسدحت وهو فهم قصدي بس مابغيت ازودها وهو تعبان … ((( ومن صوته مبين عليه تعبان اصلا لما وداني لهلي المغرب كان دايخ ))) بس شيء يقهر صح ؟؟؟؟

أنا اللي خايفه منه هو صارله 10 ايام نايم هل هو شيء عادي ومر عليكم واخاف يتم الشهر ويتعود على النومه وبعده طول حياته كل واحد ينام بروح شاسوي اجبره يشتري فراش طبي ولا اخليه بكيفه ولا ازعل عليه ولا شاسوي بالضبط كل ليله اتحلطم عليه والصبح عادي مرات انقد على نفسي و اقول بكيفه لانه لا جاء الصبح وبغا يروح للدوام يضحك يقول انتي شفيك البارح تحلطمين كنت دايخ شقلتي استحي وانقد على نفسي واسكت ولا جت حزتها مت قهر على فكره انا اول ما انام عند هلي بس من بدا يسوي هالحركه قمت انام عند اهلي بالعطله …

أفيدوني الله يوفقكم ويرزقكم الجنه يارب ..