معقوله الزمن مافيه وفا؟؟؟؟؟؟؟

اخباركم ان شاء الله بخير

حبيت استشيركم في مشكله حصلتلي من شهر الحج يعني

عدى عليها 4 شهور

بس انا كل مااتذكرها احس بالقهر وأسأل نفسي ليش الناس تغيرت

ليش الواحد مايقدر يتعامل مع الناس على نياته

ليش الصداقه صارت مستحيل تستمر في هالزمن

المهم انا واللي كانت صديقتي كنا اكثر من الاخوات

والله يابنات مااكذب عليكم اننا كنا ننام سوى ونطلع سوى وناكل ونشرب سوى

ونلبس مع بعض واني كنت ابديها حتى على اخواتي

وانا اعرفها من اولى ابتدائي يعني عشت معاها طفولتي ومراهقتي وشبابي

وحتى لمااتزوجت مابعدت عنها لاني نقلت من المدينه اللي هي فيها

بس برضوا كنت اروح عندها وتجيني يعني مابعدتنا المسافات عن بعض

وحتى اخواتها اللي اصغر مني ومنها كنت اعاملهم مثل اخواتي واغليهم

من غلاها

المهم في اجازة الحج انا كنت رايحه مع زوجي للمدينه اللي هم فيها

اتصلت عليهم لان زوجي كان بيوديني عندهم وبيروح مع اصحابه

مااحد ردعلي لاهي ولا اخواتها

بعد اتصالي يمكن بسااااعه اتصلت علي اختها اللي اصغر منها

كلمتها وسألت عن صديقتي قالت اختها هي مو موجوده

تهاوشت معاها وراحث هي وامي واخواتي الباقيين لبيت اخوي الكبير

يقضوا الاجازه عندهم قلتلها وانتي ليش مارحتي معاهم

قالت انا في البيت حالسه اذاكر عندي اختبارات بعد الاجازه على طول

طبعا هدا الكلام كله وانا لسه ماقلتلها اني جايتكم

المهم شوي قامت قالتلي وانا الحين بتمر علي صديقتي

بنروح السوق نشتري شوية اغراض وبعدين باروح عندها عشان نذاكر سوى

وماراح ارجع البيت الا الفجر

المهم قفلت منها وكلمت زوجي قلتله خلاص انت وديني على الشقق

اللي مستأجرنها وانت روح خلص شغلك مع اصحابك وتعال

طبعا انا على نيتي رجعت اتصل على صديقتي برضوا ماترد

ولاحظوا انها تشوف رقمي ولا ترجع تتصل علي

قلقت عليها قمت اتصلت على امها غشان اطمن عليها

قامت ردت علي الام وسألتها عن صديقتي

قالتلي والله هي في البيت

قلتلها ماجات معاكي قالت لا

قلتلهاولا احد من البنات معاكي

قالت لا والله مافي الا انا

والبنات كلهم في البيت

انا ساعتها انصدمت

والدنيا دارت فيني

طيب ليش اختها تقولي انها مو موجوده

وليش هي تشوف اتصالاتي وماترد

وليش يكذبوا علي

يعني اتا ماقلتلهم اني بأجيكم

ليش اللف والوران

المهم بعدها انقهرت مره وارسلت لصديقتي رساله على جوالها

هزأتها وارسلت لاختها رساله كمان وهزأتها

وبس ومن يومها لا حس ولا خبر

لا اتصلوا ولا سألوا ولا انا عبرتهم

لاني بصراحه احب الناس يعاملوني مثل مااعاملهم

الحين وش رأيكم بالسالفه

هل انا غلطت معاهم بشي