تجربتي مع مركز ذرية ..

حددت موعد للسحب وتم تحت تخدير كامل كالمعتاد

ثاني يوم اتصلت علي دكتورة رهام منسقة عندهم وقالت ماشاءالله يامدام سحبنا 24 بويضة (انا تروعت يعني حق سنتين ) منهم 19 ماشاء الله ممتازين وتم تلقيح 11 جنين ( انا فرحت ) قلت ممتاز
ممكن يحصل تجميد للباقي قالت طبعا والتكلفة 3000 الاف ريال
(عاااادي مو مشكلة الفلوس )
المهم ..عطتني الخبر وقالت سنحدد موعد للترجيع وتأملت خير .. من قبل سألت الدكتورة لازم الترجيع يكون صباحا قالت لا موشرط فوجئت بالمنسقة تدق علي بعد يومين وتقول جا موعد الترجيع ..قلت لازم الصباح قالت لازم يابنت الحلال الطبيبة تقول ممكن المسا .. قالت لا عشان المختبر بيقفل المسا (لاحظوا يقفل المسا)

يالله توكلت على الله ورحت واثناء الترجيع اخبرتني الطبيبة انها راح ترجع ثلاث اجنة … خفت وقلت ليه ماترجعين اثنين عادت كلامها علي وقالت لا ثلاثة احسن .. قلت ثلاثة ثلاثة الله يكتب مافيه خير …

رجعت كلمت المنسقة عن التجميد للباقي وهذا وقت المسا دخلت سألت المعمل قالت مايمكن غير صالحين .. (مع انها تقول المختبر يقفل المسا ) آآآه قلت الله يستر من اللي جاي سحبتو 24 والصالح 19 والمتلقح 11 وانتهينا لثلاث .. يالله العبرة بالخاتمة ……

وانتظرت ………وانتظرت ………….. مع التحاميل والابر المثبتة ……

وفوجئت بنزيف خفيف اخذ يزداد رغم اني زدت جرعة المثبتات ……..

واوالنهـــــــــــــــــــــــــــــــــــــــاية

تحليل الحمل …………….

سااااااالب ……….

طبعا حللت برا
كل اللي راح كوم واللي جا كوم ثاني اسمعوا وش صار ..
يوم موعد التحليل .. فوجئت بالمركز يدق علي والدكتورة تسأل وينك ليه ماجيتي قلت ابد حللت قبله بيوم وطلع مافيه حمل ..
استغربت وقالت خسارة كنت متفائلة خير لكي كل المؤشرات كانت طيبة …
قلت خليني اسألها : الاجنة كانت ممتازة قالت طبعا بل من الدرجة الاولى ..
طيب يادكتورة كم عددها….؟؟؟؟ تخيلوووا كم ………. ؟؟؟ قالت : اثنين ..!!
صعقت …!!!؟؟؟ كيف انتي قلتي ثلاثة ..؟ قالت لا اثنين فقط ……..

انالله وانا اليه راجعون بدأنا ب 24 وانتهينا… لثنين ….