الجااااار قبل الدااار

السلام عليكم ياخواتي العقاريات هذي فرصه لكم ومراح تكرر لان الفرصه ماتجي الا مره بالعمر ;)الكلام طبعا للي عندها بيت ملك او فيلا وفيها شقه فوق وتبي تستفيد منها وتاجرها اقولها تراني ادور شقه فوق في فله لاني والله تعبت من نظام العماير ووصاختهم وريحتهم 😆 🙄 نخش بالموضوع انا معي بنت وحامل وش حليلي مثقفه ومؤدبه والحمدلله ملتزمه وسمحه بس اذا عصبت وخرو عني نظيفه ولا احب الوصاخه والريحه القشرا وعندي هوايات تعجب صاحبة العقار منها لو حابه تروح لعزيمه او زواج تدق علي و انزلها اسوي لها المكياج ولو كانت متضايقه وتبي احد يجي يوسع صدرها ابد تدق وانزلها لو تبي استشاره في موضوع ولا لو مشتهيه حلا او اي شي اسويه لها 💡 وغير كذا انا انسانه سيداااماعندي مجاملات يعني الصح صح والغلط غلط ولانب راعية مشاكل وترا قالو الجار قبل الدار وتراهم والله صادقين والي تبي تقبل عرضي يحضها بالاجر عزالله اني بدعيلها ليل ونهار وبتفرج علي كربه مايعلمها الارب العالمين وترا ميزانيتي محدوده يعني مااقدر استاجر باكثر من 15 الف لكن باذن الله ان الي تقبل عرضي ان تنمبسط وتستانس علي ويكفي انها بتفرج علي كربه ومن فرج على اخيه كربه من كرب الدنيا فرج الله عليه كربه من كرب يوم القيامه هاه ياعزيزاتي فيه احد جاز له العرض تكفون ابي ردودكم وتعليقكم على الموضوع اكيد تبي تفطسون ضحك على كلامي بس معليش ردو يمكن يكون الحل على وحده منكم الله يوفقني ويا كل الي يقرون ويردون والي مايردون بعد 😈 انتظركم لاتطنشون