عالم البنات النسائي كل ما يخص المرأة العربية من ازياء وجمال والحياة الزوجية والمطبخ
(السلام عليكم ورحمة الله وبركاته)
اليوم وانا جالسه جاء في بالي فكره قالت اقول لكم عنها واتمنى تعجبكم ,على العموم الفكرة انا سويتها ايام زواجي وحبيت افيدكم بها خاصه الي بتروح لليله زواجها فندق واكيد لابد تكون مجهزه حقيبه متوسطه لغراضها المهمه .وفيها كل الي تحتاجه الى ان تعود الى منزلها .
احضري حقيبه متوسطه الحجم وضعي بها مايالي:
- سجادة صغيره وشرشف صلاه .
- عباءه كاملة احتياط.
- ادوات الاستحمام وضعيها في كيس نيلون الذي يغلق من الاعلى بمسح عليه (شامبو الشعر الظروف وخذي حسب حاجتك ,اما بنسبه للجسم خذي من دى بودي شوب الجل شور والوشن بعطرواحد ويكون العلب الصغيره,المشط الفرشه الصغيره,مزيل العرق,ليفه تكون المغربيه لانها موعفشه,فرشه اسنان ومعجون صغيرين)
- منشفتي الاستحمام و الوجه و لا ارى ضروره لروب لانه بيأخذ مساحه كبيرة ونحن نريد الاختصار من اجل التنظيم .
- كريم يولاي للبشره (العلبه الصغيره بتوت البري الواقي من اشعه الشمس) 😡 وخترته لانه صحي وامن لكل بشره
ادوات مكياجك (كحل اسود وازرق واخضر ,روج احمر وردي وروجك المحبب ,محدد الشفاة على رغبتك بس ميتعدو العدد السابق,واذا تحبي التنوع ولاتتحملي خذي الارواج الي في علبه كامله زي الظل ,كمان الظل خذي العلبه المخملي الالوان الهادئه,وتكون علبها المستطيله الصغيره اكيد فهمتو علي,احمر خدود العلبه الدوائر الصغيره واختاري الون الي يناسبك لكن من وجهة نظري خذي الون الي يبين خدودك على طبيعتها,كريم الاساس خذي الي تجي علبته طويله من دى بودي شوب وعلى فكرة مره حلو وكانك على طبيعتك ,ماسكار ,كحل اسود سائل,والبودة المضغوطه وتجي على شكل دوائر او مربع مسطح اختاري الي يعجبك ومناكير اذا تحبي بس اشوف مالها داعي وانتي متحنيه, لكن اذا لابد خذي لونين يمشي مع ذوقك ومكياجك المحبب )واتمنى يكون المكياج متكامل ولا نسيت شيء المهم ضعيها كلها في المقلمه الخاصه باالمكياج وحطيها في شنطه المكياج الكبيره المعروفه والي بتأخذي فيها الاكسوارت(الذهب الخفيف فقط واقصد السلسال مع 2تعايقه واسواره وخواتم وحلقان وبناجر4،3 اذا وجد.وبعض من الذهب الابيض بنفس الكميه اذا عندك لانه حلو ويمشي مع اطقم التيور والبلوزات الي بتلبسيها.وعلبه الصغيره الاسبريه لشعر مع جل صغير الي زي( المرهم). لفافات لشعر 😉 الفضيه اكيد الكل يعرفها وخذي عددها على طول وكثافه شعرك,والاستشوار 😳 . ( حطيها في شنطه الملابس في الجيب)
نشوف قمصان النوم والبجامات الحرير والقطنيه خذي منها الي تحتاجيها على حسب المدة الي بتجلسي, على سبيل مثل يومين اذا من كل شيء جوزين,مع طقوم الملابس الداخليةولا تكثري .(حطيها في الشنطه الوسط الي سبق ذكرها بس خليها اخر شيء تحطيه عشان تسير اول متفتحي الشنطة تكون هي موجودة.
العطر 50مل خذي واحد بس حتى تكون راحتك معروفه طول هذه الفتره .(ينحط بشنطه المكياج والكسسورات.)
خذي بكلات وشبصات وكماشات وبنس على حسب حاجتك وحطيها بعلبه محكمه الغلق وتحطيها بشنطه المكياج كمان.
الاحذيه (واحد كعب ,واحدصندل والازم تكون الوان محايده حتى تناسب الي بتلبسيه,وجزمه اسبورت مع البناطيل اذا بتطلعي تتمشي بسوق فترات طويله او اي مكان ثاني)حطيها كمان في كيس بلاستيك.
نجي للملابس خذي واحد تيور طقم شياكه للضروره ولباقي اخليها لك خذي الي تحتاجي من(بناطيل جينزمع بلايزها وتنوره عمليه والافضل تكون استريش عشا ن تاخذي راحتك في الجلوس والمشي وبنجامي كمان حلو انيق وعملي المهم خذي جوز من كل لبس لليوم الواحد وقسميها على ان الصباح تلبسي تنوره والعصر بنطلون اذا بتخرجي ولسهره بنجامي.بكذا اذا بتجلسي شهر مثلا مثلالا تزيد عن اربع اجوز من كل نوع وطبعا اذا اتسخت وديها المغسلة للغسل والكي لانك عروس يجب الا تتعبي 😥 .
خذي معاك المبخره الصغيره بتلقيها في السوق متوفرة الي على الكهرباء وشوي في علبه صغيرة من بخورك الخاص حتى تكون راحتك جنان على طول ➡ .
خذي من 6 الى8 مناديل جيب للاستخدام الشخصي وحطيها في حقيبه الملابس,واذا خرجتي ضعي منها في شنطه اليد
خذي حقيبه يد تكون عمليه وشياكه وبلون محايد .وحطي اذا جيتي خارجه المكياج الي بتستخدميه فقط والباقي خليه في المقلمه في شنطه المكياج,ولا انسى خذي معاك الجوارب والجونتي لانك لزم تغطي يديك ورجولك وانتي خارجه طبعا عشان الحناء حتى متكوني فتنه وتزعلي عريسك وانتو توكم 😆 🙂
بعد ما ذكرت متطلباتك واحتياجاتك بتفصيل الممل وسامحوني على الاطاله .
الا ن ا ليكي ترتيب حقيبه الملابس 1.عطريها قدر استطاعتك وضعي بها كيس من الورد المجفف وفتحيه بالمقص فتحه صغيره حتى تنتشر الرائحه اكثر .
2.ضعي ملابس الخرجات والعبايه الاحتياط والسجادةوشرشف الصلاة واخيرا ملابس النوم,ابقي مكان جانبي في الحقيبه وضعي به منشفتي الستحمام والوجه.(اكيد كلهامعطره ومبخره مسبقا)وكمان اذا في مكان ضعي المبخره والجاونتي والجوارب)
3.في جيب الحقيبه ضعي الستشواروالفافات والمناديل الشخصيه,و(فوط لك اذا كنتي تعلمي انك تحتاجيهاوشنطه اليد وادوات الاستحمام اذا امكن)
4.رتبي الاتي في حقيبه المكياج (العطر ,ادوات المكياج ,الاكسسورات,علبه اكسسوارات الشعر,كريم البشره ,البخور ونسيت مكره وخيط للطواري اذا انشق شيء من ملابسك لا قدر الله.
اخيرا لأحذيه الله يكرمكم (ضعيها في زنبيل لحالها). وممكن هذه الافكارلغير العرايس مع اضافه حقيبه الاطفال اذا سافرو رحلة اوزيارة.
اخيرا دعواتكن واتمنى ان الموضوع يحوز على اعجابكن وارجو عدم النقل او التغيرفي موضوعي .
