عالم البنات النسائي كل ما يخص المرأة العربية من ازياء وجمال والحياة الزوجية والمطبخ
<
<
؛
<
؛
<
<
<
<
<
<
<
؛
بسم الله الرحمان الرحيم
السلام عليكم ورحمة الله وبركاته
والصلاة والسلام على خاتم الأنبياء والمرسلين نبينا محمد وعلى آله وصحبه ومن تبعه بإحسان إلى يوم الدين أما بعد
تصدقن أحس إن راسي منفجر ألف ماعاد فيني أي عرق إلا ويطبل بموت من القهر منكن
تعدادنا يالمسلمين تعدى المليار وحنا كثره لكن كغثاء السيل بدون هدف وبدون هويييه بس عندنا شكااااوي من الخلق وللخلق وتركنا الشكوى للخالق
المهم خلينا في موضوعنا من دوامت بهالقسم <<< كنايه عن حول العينين من النت
المهم وأنا أقرى زوجي خاني وزوجي تزوج علي وزوجي يكلم بانت وضاقت علي زوجي طلقني <<< ترى معلومه هذا إذا قالت زوجي لأنه بعضهن تقول هالكلب هالحيوان هالخاين هالنذل وفيه كلمات حذفت للرقابه خخخخخخ
مدري تراي إذا عصبت يطق عرق التمهزي عندي خخخخ من مبدأ شر البلية مايضحك
المهم نرجع لمحور حديثنا
بالله خلينا نناقش أسباب الدمار الأسري
ملحوظه فاقعه مرارتي من جد
إذا وحده إشتكت من زوجها قلن لها الحريم إلبسي له تزيني له تعدلي له !!!!!!!!!!
وكأن كالمشاكل بالدنيا علاجها سطحي لهالدرجه !!!!!!!!!!!!
بالله خاينهااااااااااااااا مكفخهااااااااا ماسح فيها الأرض كيف تشتهي تتزين له !!!!!
بنات حلن مشاكل العالم بوجهة نظر أعمق من كذا !!!!!!
أولا وش هي أسباب الدمار الأسري
1- معاصي يوم الزواج
اللي تبقى تبدى حياتها صح المفروض تبداها بطاعة الله سبحانه ماله داعي الأورق 2000 متر قدام موسيقى صداااااحه ولا تطورن وقمن يستأجرن رقااااااصه !!!!!!!!!
الحمد لله من جد تخلللللللللللللللللللللللللللللللللللللللف !!!! سؤال سادح نفسه رقاصه ليه يعني !!!! وش تبين ماتخافين الله سبحانه يخسف فيك الأرض أنتي وهي وهذيك !!!
وإلا لبس العروس أخلللللللللللع بمليون مره من لبس المعزومات وأصلا كان بكرت الزواج مكتوب يرجى الإلتزام باللبس المحتشم !!!!!!!!!!! من جد تعبتي نفسك ياعروسه وحطيتي عمرك بموقف محررررررررررج !!!!!!!!!
والأدهى والأمر إذا جاك فارس الهيجاء ويترقص مع عبله فوق المسرح وماخافوا من الله سبحانه وتناسوا إن هذا الشي معصيه لأنه يترقص قدام النساون ولا ننسا إن دخوله أصلا مايجوز
ممكن تؤدي إلى العين أو الحسد أو محق البركه في الزواج وتتحول هذيك الليله إلى مقبره لمعاصي الحمد لله رب العالمين بدل ماتكون مكان يطاع فيه الله وتتبع أوامره بإحياء سنته في الأرض !!!!!!!!
ولا راح أزيد أكثر من كذا على معاصي يوم الزواج لأنها وااااااضحه للكل وماخفي كان أعظم !!!!!!!!!!!!!!!!!
2- معاصي شهر العسل
مدري عاد هو عسل صدق وإلا بصل !!!!!!!!!!!
أولا السفر للبلاد الكافره للسياحه <<< معقده بقوووه وجاين ياحرام
لا ياحياتي منيب معقده ياغلاي هذا كلام شيووووخ مهوب كلامي بلده كافره مايجوز تسافرين لها سياااااااحه
نرجع لموضوعنا
ومهوب ذابح قلبي غير المبدأ الغبي ( أنا أتحجب لأني سعوديه) يعني أول ماتطب الطياره تفسخ الغطاه <<<رحمتك بقووووووه يعني من جد حاااااله نفسيه يعني ماخفتي من ربك إنه يطيح فيك الطيااااااااره من فوق سابع سمااااااااااا عشان تعرفين بإنك سعوديه صح<<<طبعا مهوب الكل
المهم غير الهوايل برى في بلده عربيه الله يستر على الجميع تجيكن بنااااااات تافهات يرشن بالمويه والصابون مع أولاد أتفه بوسط الملعب الصابوني ولا ترى أبشركن حاطه علم السعوديه على كتفها خخخخخخخخخخخخخخخخخخخخ تغطي الله يصلحك بس
المهم يالله لك الحمد على نعمة العقل وغيرها وغيرها معاااااااصي ماخافت من ربها يعاقبها صدق على قولتها بتعيش شهر عسل لكنه يتحول مع السنين بمعاصيه إلى نقمه تهدد حياتها يعني حنا ماقلنا لا تسافرين شهر عسل وتنبسطين بس خافي من ربك وإتقيه لا يبلاك بزوجك سواء خياناته أو معاملته التافهه
3- المعاصي بالبيت كله
إذا تلفزيونك مليان محطات ماجنه وأغاني تااااااااافهه أربع وعشرين ساعه بالبيت تصدح كيف تبين الملائكه تدخل !!!!!!!
وإذا الملائكه مادخلت أكيد بتدخل الشياطين والشياطين تأزك أز وتأزه أز يعني ماراح تترك بيتك لين تهدمه أو تخليه واقف على ركن ماااااااااااااايل !!!!!!!!!
والأدهى والأمر إذا كان بالبيت أصناااااااااااام بمسمى تحف ومهوب كل التحف أقصد التحف المنحوته على أشكال كائنات حيه
يابنت الحلال من حلل لك تحطين ببيتك مجسم حرمه وإلا كلب وإلا قطوه بشكل منحووووووووت !!!!!
كلها أسباب تطرد الملائكه وتجلب الشياطين وفيه لها أسباب ثانيه إذا ذكرتها بتطول السالفه <<<تكفين ماطولتي مررررررره ماشاء الله عليك خخخخخخخخخخخخخ
4- الصلاه الصلاه الصلاه
بالله عليك واحد ماحرصتي عليه يقوم يصلي الفجر بوقتها وحرصتي عليه يوديك لهلك بالوقت الفلاني كيف تبين تنطرح البركه في بيتك ويملاه الهدوء والسكينه!!!!!!
واحد إهتميتي بلبسك وشكلك عنده ولكن ماإهتميتي بنصحه وتذكيره!!! كيف تبينه يذكر حقوقك و واجباتك اللي الله فرضها لك عليه !!!!!!!!!
<<< معقــــــــــــــــــــــــــــــــــــــــده هالوجاااااااين <<< يالبى تعقيدي
وبعدين تعالي أنتي كيف حاااااااااالك مع الصلاه هل بيتك مسجد وإلا بيتك مقبررررررره !!!!!!!!!!!!!!
وكيف حالك مع ربك هل أنتي ماتعرفينه إلا بالشده ؟ إذا كنتي كذا الله يرحمك برحمته
وكيف حال أولادك مع الصلالالالالالالاه تأكدي لو كان واحد بس من بيتك مايصلي وأنتي تركتيه من دون نصح ترى العقاب يشمل الجميع لأنك مانصحتيه تذكرين قصة القريه اللي أمر الله سبحانه وتعالى الملائكه يهدمونها قالوا الملائكه يارب إن فيها قوم صالحين فأمرهم الله بأن يبدؤا بالصالحين لأنهم تركوا الوعظ والأمر بالمعروف !!!!!!
وقيسي مثل أمر الصلاه على حياتك كلههههههههههههههههههها مع الطاعات !!!!!
5- دعوة المظلووووووووووم
يمكن حضرتك كنتي سوسه وخربتي حياة وحده قبلك فدعت عليك اللي ماتنام عينه سبحااااانه ونصرها عليك لأنه وعد وقوله الحق ( وعزتي وجلالي لأنصرنك ولو بعد حين)
مدري عنك فتشي في حياااااتك يمكن ظلمتي أحد يمكن ظلمتي أم زوج أو أخت زوج أو قريبه أو شغاله حتى أو طفله يمكن ماإهتميتي لدعوتها وكانت دعوة حق من قلب طاهر وبريئ !!!!!!!!!!!!!!!!
فإذا منتي كذا رجاااااااااء ردي المظالم وتسامحي من الناس وإذا ماقدرتي تتسامحين منهم فروحي إدعي الله لهم بالخير وكثري لعل هذا يكون شافع لك !!!!!!
وبعد لاتنسين تمهزيك بفلانه على عيب فيها أو بلاوى الله بلاها فيهاااااااا ترى من عايب إبتلا والشماته شيييييييييييييينه فماجاك إلا اللي يستااااهلك وتستااااااهلينه أنتي شمتي تلقي هالحين جزاء شماتك !!!!!!!!!!!!!!!!!!!!
6- صفاء النيه
كيف نيتك أنتي مع العاااااااااااالم هل أنتي حسوده تااااااافه قيمك ضاااااااااايعه من تشوفين خير عند الملا حسدتيهم شوفي نفسك ونيتك وصفيها !!!!!!!
هل أنتي تمنيتي زوج فلانه يطلقها أو يتزوج عليها سبحان الله إنقلبت أمنيتك عليك!!!!!!!
والأهم من كذا صفاء نيتك ليه أنتي بغيتي تتزوجين عشان الدنيا بس أجل إلحقي ماجااااااك لأنه من كانت الدنيا أكبر همه جعل الله فقره بين عينيه ومن كانت الآخره أكبر همه أتته الدنيا وهي راغمه تسمعين راااااااااااااااااغمه فأنتي شوفي وش نيتك وصححيها من اليووووووووووم !!!!!!!!
7- وقتك الثمييييييييييييييييين <<< حست نفسها بدعاية ساعات خخخخ
وش تسوين به هل هو معمور بطااااااعة الله سبحانه وتعالى وإلا وقت ضااااااايع بلا قيمه وبلا هدف ؟؟؟؟؟ !!!!!!!
إذا كان بلا هدف أجل تلقي اللي يجيك من المصايب لأنك إنسانه بعيده عن الله سبحانه وتعالى
والله سبحانه وتعالى أرحم بك من نفسك عشان كذا يبكيك ويحزنك عشان ترجعين للهدى والحق وتملين وقتك بالطاعه سبحان الله
8- أمك ثم أمك ثم أمك
إذا أنتي مضيعه أمك فلا تستغربين يضيعك زوجك تدرين ليه ؟؟؟؟؟؟؟
لأن ضيااااااع زوجك هم وغم صايبك بالدنيا والهم والغم مايجي إلا من الذنوب فما بالك بأكبر الذنوب وهو العقوق !!!!!!!!<< خطيره فلسفة وجااااااااين خخخخ
وقيسي العقوق بمثله من قطع الأرحاااااااام وهجر المسلمين لبعضهم << ماقد قلت لكن كثره ولكن كغثااااااااااء السييييييييييييل !!!!!!!!
بالنهاااااااااايه يمكن أكون لسا ماخضت تجربتك صح وماتزوجت لكن كلامي فيه شي من الواااااااقع ومهوب لازم أطيح بحفره عشان أعرف إن قدام ترى في حفره يعني من طيحات اللي قبلي المفروض أتعلم .
وممكن تستصغرين إسلوبي أو أسبابي وتقولين عودها لسا طري بس أقول لك إن عود الخيزران أرق عود بالدنيا لكن ظربته قاااااااااسيه !!!!!!!
ممكن تسكرين موضوعي وتقولين هذي فاضيه لكن بقول لك فاضيه إيه فااااااااضيه بقووووووووووه لكن فضاوة وقت مهوب فضاوة تفكير!!!
يمكن تقولين هذي فلسفة كتب وكلام جامعيات وبس لكن أقول لك فلسفة الكتب ماجت إلا من تجارب واااااااااقع !!!!!!
لكن بالنهاااااااايه جربي وصححي من نفسك رااااااااح تشوفين النتيجه إن ماأعجبتك رجعي لحل العطار << تزيني له وتعدلي له وأكيد أنتي مقصره بشكلك خخخخخخخخ
حل ممكن يكون صادق لكنه مهوب أساس المشكله ولا هوب منبعها فأنتي رفعي العامود أول بعدين دقي الوتد !!!!!!!!!!!!!
بالنهايه ملاحظه قوووووووويه
مدري وش دخلني بنصايح المتزوجات خخخخخخخخخخخخخ بس يمكن حب إلا والله حب لأخواتي في الدين
ملحووووووظه أقووووووى
أول مره بحيااااااااتي أفضفض كذا بعد موضوع الإيميل المسروق خخخخخخخخ
أختكن في الله
وجاااااااااااااااااين
ملحوظه بنات أنا أتكلم عن الشي السلبي بس يعني أكيد فيه أشياء إيجابيه ثانيه بكن بما أني أتكلم على أسباب الدمار الأسري أكيد بجيب الأشياء السلبيه
فمهوب معقوله تكون أسباب دمار وبعدين أذكر شي إيجابي !!!!!!
وعارفه إن مهوب كل وحده بالضروره تتحقق فيها كل الأسباب
وبالنسبه للبنات بشكل عام تراي ماحرمت الشكوى وقلت إنها معصيه لأنه مهوب بكيفي أصلا أنا قاعده أقول روحي لربك إشكي وبعدين تعالي لنا ماتبين برااااااااااحتك أنا أقترح بس !!!!!!!
فيابنات رجاء كل وحده تقرا الكلام مره ومرتين عشان لا تفهمني خطأ !!!!
( اللهم إرحم والدي وأسكنه فسيح جناااااااتك واعفو عنه وإغفر له وجميع موتانا وموتى المسلمين اللهم أطل في عمر أمي على طاعتك وإجعل هذا العمل خااااااالصا لوجهك الكريم وبيض وجهي يوم ألقاك وبيض وجوه كل المسلمين والمسلمات يارب)
