موقف صار لي وشفت الجن

بنات انا بكتب موقف صار لي وشفت الجن وابي بنات تكتبون تجاربكم فالموضوع عام وليس خاص

انا قبل 9 سنين يوم اني بثاني متوسط كنت احب اسمع الاغاني بشكل مو طبيعي (الحمدلله تركتها لي 5 سنين)

وفي يوم من الايام كنت نايمه العصر
وشبعانه نوم يوم جاءت الساعه 10 الليل وارقى غرفتي واطق الراديو على الاغاني
وانسدح على السرير ماتوقعت طفشانه وماراح انام

المهم مادريت عن نفسي الا اني نايمه

والراديو يشتغل على الاغاني من الساعه 10

الى 11

الى 12

الى 1

الى 2

الى 3

الى 4 الفجر

ويوم جت اربع تحلمت اني فيه جنون اربع على اشكال اخواني يدخلون مع الباب يعني يخترقون الباب وانا اشوفهم

وعارفه انهم جنون وكانوا يرقصون وكانوا يكشرون بوجيهم ويطلعون سنونهم وكانت عيونهم موجه لي بحده

وكانوا ماسكين ثيابهم ويحركونها يمين ويسار وكانوا متجهين لسريري
وكان سريري بالزاويه

يوم وصلوا عندي وانا افز من نومتي

والاغنيه كانت شغاله ونفس الاغنيه اللي كانوا يرقصون عليها هي كانت شغاله يوم قمت

انا انهبلت

قمت ادور اذاعه القراءن مالقيتها

وخلاص ماعاد قادره اتحرك من سريري

وقعدت اقرأ المعوذات والكرسي

بس وربي انها كأنها صايره اليوم