عالم البنات النسائي كل ما يخص المرأة العربية من ازياء وجمال والحياة الزوجية والمطبخ
فطاير الكب كيك العجيبه الهشه
فطاير الكب كيك العجيبه الهشه ..وفي نفس الوقت شكلها حلو للتقديم …..
مقادير العجينه :
6 اكواب طحين ابيض – 1 كيس خميره فوريه ما يعادل ملعقه كبيره
3 ملاعق كبيره سكر – 6 ملاعق كبيره حليب بودر
1 ملعقه صغيره ملح – كوب الا ربع زيت – 1 بيضه
2 ونص كوب ماء دافيء
الحشوه :
جبنه الحلوم مع الطماط والزعتر – جبن الكلاصات السائله
طريقه عمل العجينه :
تخلط المقادير الناشفه -نحط البيضه المخفوقه + الزيت ونقلبهم
بالملعقه بعدين يضاف 2 كوب ماء بالتدريج مع العجن باليد او العجانه
ويضاف نص كوب المائ الباقي حسب العجينه ..
يعجن باليد 10 دقائق على الاقل
او بالعجانه 5 دقائق تقريبا ..
نحط العجينه في وعاء مدهون ونغطيها ونحطها بمكان دافئ لما تختمر .
ناخذ قطعه من العجينه نفردها على سطح مرشوش بالطحين ..
ونقطعها دوائر …
نكون طبعا مجهزين قوالب الكب كيك وحاطين القوالب الورق داخلها
ناخذ دائره من العجينه نرقها شويه باليد ونحطها بالقالب ..
نحط الحشوه المطلوبه …
نغطي الحشوه بدائره ثانيه من العجينه ….
تسكر اطراف الفطيره بالشوكه ..او اطراف الاصابع
بعدين يدهن الوجه بالبيض المخلوط مع نقطه خل ونقطه زيت وشويه حليب …
( بنتي قامت بهالمهمه !! )
ونرش الوجه بالسمسم او حبه البركه
ندخل القالب للفرن حتى ينتفخ العجين ويتحمر …
ممكن نحط بالحشو جبن كلاصات …
وبالهنا والشفا ..مأكول العافيه يا رب ……..
