حلويات جديده اشكالها غريبه وطعمها لذيذه

حبيت اسوي موضوع لكل وحده عندها نوع حلا اوشافت عند صديقاتها نوع حلا عجبها شكله وطعمه حتى يستفيد الجميع واحس ان كل وحده لما تصير عندها جمعة بنات تحب تكون مميزه بحلاها تبغاه جديد وما ذاقوه الا عندها اول شي وبما ان كل الموجودات بالمنتدى بسم الله عليكم اشوفهم شاطرات في كل شي فحبيت انكم تكتبون وصفاتكم اللذيذه من الحلا ورح ابدأ بنفسي :
المجموعة الاولى :
علبة زبادي
ك طحين
نص ك سكر
م ص نسكافيه
نص ك زيت
2 بيضه
ذرة فانيليا ـ 1ونص م ص بيكنج بودر
المجموعه الثانيه : نص علبة حليب نستله ـ بسكوت شاي ساده
المجموعه الثالثه : [النص المتبقي من النستله ـ 6 حبات كيري ] في الخلاط
المجموعه الرابعه : 1ظرف كريم كراميل ـ م ص نسكافيه ـ نص ك ماء
الطريقه : نأخذ المجموعه الاولى في المضرب الكهربائي ونحطه في صينيه مدهونه في الفرن ونشغل الفرن من تحت ونطلعها لما تستوي ونشربها بالنستله وناخذ البسكوت ونكسره على وجه الكيكه المجموعه الثالثه في الخلاط ونحطها على الوجه ونرجعه على حرارة الفرن نفور المجموعه الرابعه ونحطها طبقه اخيره وندخلها الثلاجه ………. صراحه طعمها يستحق التجربه منكم بالنسبه لي كل يوم اسويها والحين ابي ردودكم ووصفاتكم شدوا الهمه عشان يصير مرجع للجميع