كيف اخلي ثقتي بنفسي كبيره

السلام عليكم…
عندي مشكله ومضايقتني واجد ومشكلتي هي اني في البيت اتكلم ويه خواتي وامي وباقي الاهل اللي يجونا بكل ثقه يعني اخد واعطي اياهم في الكلام بدون ما اخجل بس اذا اطلع من البيت اذا ازور احد او احد يزورنا غريب لساني ينربط ولا اعرف اتكلم واذا بغيت اشارك في الكلام احس روحي استحي وارد اسكت حتى اللي حواليي يحسون فيني واذا بغيت اتكلم احس وجهي يصير احمر ويصير فيه حراره وهالمشكله خلتني ما احب اقعد ويه احد غريب ولا احب اطلع وازور احد صرت احبس نفسي في البيت ولا اطلع ولا اخالط الناس واحس هالمشكله هي اللي قاطعه نصيبي في الزواج يعني خواتي ما شاء الله عليهم كلهم يتقدمون لهم خطاب الا انا احس هالمشكله هي الا موقفه نصيبي وما تخلي الناس تفكر فيني وبصراحه هذا الشيء معقدني واجد
تحياتي