عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مبارك عليكم الشهر
وكل عام وانتم بخير بمناسبة قرب عيد الفطر السعيد
حبيت اطرح هالموضوع عشان الكل يستفييد وانا شخصيا ابي استفيد
موضوعي هو عبارة عن تجمع لجميع معلمات المدارس الخاصه بالمنطقة الشرقيه عشان كل البنات الي حابيين يقدمون على مدارس خاصه (مثلي) تكون عندهم معلومات كافية و وافيه عن افضل المدارس ويقدرون يقدمون لها وهم مرتاحيين
انا بصراحه جت لي وظيفة في مدارس البسام في الدمام بس انا ما عرف شي عنهم.. المدرسة مرة كبيرة ومعروفة وسمعتها مرة زينه.. بس انا ماعرف شي عن تعامل الطالبات.. الموظفات.. والادارة
وبعد ماعرف شي عن رواتبهم.. يعني عادة المدارس الخاصة تجي رواتبهم متدنية بس مدرسة كبيرة مثل البسام اتوقع تكون رواتبهم احسن من باقي المدارس .. يعني حابة اعرف كم رواتبهم وكم الزيادة السنوية.. وانا سمعت انهم دوامهم كررررف للساعه 2 ولازم المعلمة تجهز وسائل ايضاح وبروجكتر وانا قادرة على هالشي الحمدلله بس انا مابي اتعب كل هالتعب وبالاخر يكون الراتب مايسوى تعبي ( مع العلم انه انا تخصصي ادب انجليزي.. يعني ابلة انجليزي 😈 )
>>>زبدة الكلام<<<
ياليت اي فراشه موظفة بمدرسة خاصة او سبق لها العمل او حتى تعرف احد يشتغل بمدرسة خاصه تدخل هنا مشكورة وتشاركنا وتفيدني وباقي الفراشات الي حابيين يقدموون ومو عارفيين وين يروحون او وين هي افضل المدارس الي يقدموون لها وياليت تفيدنا بالمعلومات التالية (يابنات تحروووا دقة وصحة المعلومات عشان مانظلم احد ➡ )
1- سمعة المدرسة.. تعامل الطالبات و الموظفات والادارة
2- الرواتب والزيادات السنوية
3- موقع المدرسة.. الخبر- الدمام-الاحساء-الظهران ( الدانة-الربوة-الدوحه)
===============================================
وكونوا على ثقة بأنه سيكتب لكم الاجر بإذن الله
قال صلى الله عليه وسلم: (من نفس عن مؤمن كربه من كرب الدنيا نفس الله عنه كربه من كرب يوم القيامه)
واخيرا وليس اخرا جزاكم الله كل الخير
اختكمـ في الله
